«Bıznestiń jol kartasy 2020» bıznesti qoldaý men damytýdyń biryńǵaı baǵdarlamasy aıasynda shaǵyn kásipkerlerdiń nesıesin sýbsıdııalaý úshin «Damý» qory men EDB jáne kásipkerler arasyndaǵy úshjaqty kelisimge munan bylaı elektrondy formatta qol qoıylady.
Endigi jerde nesıeni sýbsıdııalaý túrindegi memlekettik qyzmet túrin alý shartyna ýaqytqa, ornalasqan jerine qaramastan qol qoıýǵa bolady. Ol úshin tek ınternet jelisi men elektrondy-sandy qoltańba ǵana qajet.
«Damý» Qorynyń Basqarma tóraǵasy Abaı Sarqulovtyń aıtýynsha, atalǵan qyzmettiń artyqshylyqtary kóp. Atap aıtqanda, sýbsıdııalaý týraly shart rásimdeýge ketetin ýaqyt qysqaryp, shyǵyndar azaıady. «Sýbsıdııalaý týraly oń sheshim shyqqan soń kásipkerler kómekqarjy alýǵa jasalǵan shartqa onlaın rejımde qol qoıa alady. Osylaısha shartqa qol qoıý úshin (shartqa qosymsha kelisimge qol qoıý úshin de) alys aýdandardan Qor fılıalyna kelip nemese atshabardyń qyzmeti úshin shyǵyndanýdyń qajeti joq. Elektrondy shartty onlaın túrde jasap, birneshe sekýnd ishinde qol qoıa alasyz. Buǵan deıin sýbsıdııalaý shartyna qaǵaz júzinde qol qoıý rásimine 5-7 jumys kúnine deıingi ýaqyt ketetin» deıdi Abaı Sarqulov.
Sýbsıdııa berýde elektrondy qujat aınalymyn alǵashqy bolyp «SesnaBank» AQ engizdi. Qor qyzmettiń qanatqaqty synaǵyn sátti júzege asyrdy. Aldaǵy ýaqytta bul qyzmet Qordyń barlyq klıentterine qoljetimdi bolady. Bul qyzmet «Documentolog» JShS kompanııasynyń elektrondy qujattarmen almasýdyń Qazaqstandyq ortalyǵy (Doc24.kz) alańynda júzege asyryldy. Iаǵnı, qyzmetti 100% qazaqstandyq ónim deýge bolady.
Qyzmet kórsetý prosesterin únemi jetildirilip otyrýy kásipkerlerge memleketten qoldaý alý sharalaryn jeńildetedi.
«Men qonaq úı qyzmetin kórsetetin kásipkermin. Atalǵan shartqa onlaın qol qoıý múmkindigi týraly estigenimde óz shartyma qol qoıatyn kezge týra kelse dep tiledim. Sebebi ár mekemege bir baryp, kezek kútip otyrý ýaqytty alady. Sýbsıdııalaý týraly shartqa úsh jaqtan qol qoıý rásimin onlaı rejımde atqarǵanyma sene almaı da otyrmyn. Bul óte ońaı, jyldam, jarııaly jáne yńǵaıly. Tek ınternet pen elektrondy-sandy qol úlgisi bolsa jetip jatyr. Buǵan qol jetkizý jolynda «Damý» Qory úlken eńbek etkeni túsinikti. Men olarǵa alǵys aıtqym keledi», – deıdi kásipker Muratbek Raev (Aımurat JK)
Nesıege sýbsıdııa alý úshin ótinim berý avtomattandyrylyp, bıyl kúzde www.egov.kz veb-portalyna ornalastyrylady. Munymen qatar jyldyń ekinshi jartysynan bastap eGov portalynda 182 mln teńgeden astam nesıe alýshyǵa beriletin kepildik prosesi de avtomattandyrylady.
Esterińizge sala keteıik, 2016 jyly kóktemde shaǵyn jáne orta kásipkerlikke qarjylyq qoldaý kórsetý boıynsha elektrondy úkimet portaly platformasyna engizilgen tuńǵysh memlekettik qyzmet túri – «Damý» Qorynyń kepildigi edi. Nesıe alý úshin kepilzat jetpegen jaǵdaıda Qordyń kepildigin paıdalaný qyzmeti avtomattandyrylǵaly beri eGov portaly arqyly 2 403 kepildik berilgen. Iаǵnı onlaın-ótinimder úlesi shamamen 40 paıyzdy quraıdy. Bul qyzmetke qol jetkizý úshin portalǵa tirkelip, ótinim toltyryp, banktiń oń sheshimi jaıly hattyń elektrondy kóshirmesin qosa qystyryp, sandy-elektrondy túrde qol qoıý kerek. О́tiniminiń qaı deńgeıde qaralyp jatqanyn kásipker jeke kabıneti arqyly baqylaı alady.
Daıyndaǵan
Aınash ESALI,
«Egemen Qazaqstan».
ALMATY