«Nurly jer» memlekettik baǵdarlamasynyń basty maqsaty – turǵyn úı kezeginde turǵan azamattar men turǵyndardyń sanyn azaıtý ekeni belgili. Iаǵnı atalǵan baǵdarlama aıasynda baspanaly bolǵysy kelgender «Turǵyn úı qurylys jınaq banki» AQ jelisi arqyly óz maqsattaryna qol jetkize alady. «Nurly jer» qatyp-semip qalǵan emes, kerisinshe turǵyndardyń múmkindigi men yńǵaıyna jáne ár túrli talap-tilekteri men suranystaryna qaraı ıkemdele alatyn jandy baǵdarlama. Osy oraıda sońǵy jyldary Aqtóbe aımaǵynda turǵyzylǵan turǵyn úıler men kottedjderdiń elimizde eshqandaı balamasy bolmaı otyr.
Bular nesimen erekshe? Bir sózben aıtqanda «Nurly jer» arqyly úı jaǵdaıyn jaqsartqysy kelgender «bir oqpen eki qoıandy atyp ala alady». Munyń mánisi shaǵyn, qoljetimdi kottedjderge qol jetkizgen bank salymshylaryna onyń janynan on sotok jer qosa beriletininde. Bólingen aýmaq jer qatynastary júıesi arqyly rettelmek. Búgingi kúni oblys ortalyǵynyń irgesindegi «Nur Aqtóbe» shyǵan aýdanynda júzdegen kottedjder boı kóterdi. Bul baǵyttaǵy qurylys jumystary odan ári jalǵasa túsýde. Qazirgi tańda bul mańaıda segiz túrli joba boıynsha ár túrdi qurylys-sáýlet úlgisindegi sándi de, sapaly baspanalar turǵyzylǵan.
Mundaǵy basty jobalardyń biri kottedj baǵalarynyń qarapaıym turǵyndar úshin ıkemdi de qolaıly ári qoljetimdi bolýyna baǵyttalǵan. Aıtalyq bir kottedjde bir nemese eki otbasynyń turýyna múmkindikteri bar. Qaısysyn qalaıdy? Muny bank salymshylarynyń patsha kóńilderi biledi. О́ıtkeni olardyń kólemi men aýdandary ár túrli. Retine qaraı shaǵyny men ortashasyn azamattar óz qalaýlaryna qaraı ıelene alady. Sol sekildi túrlendirip, ári jan-jaqty oılastyrylǵan jobalarǵa sáıkes «Nur Aqtóbe» shaǵyn aýdanynda úsh, tórt, bes jáne toǵyz qabatty turǵyn úıler sán túzegen. Bul tustan da turǵyndar óz múmkindikterine qaraı tıisti tańdaýlar jasaı alady.
«Munda baǵasy ońtaıly kottedjder men syńǵyrlaǵan sý jańa turǵyn úılerdi «kóldeneń kók attylar» ıemdenip kete almaıdy. Bulardy bári tek jer jáne páter alý kezeginde turǵyn azamattar men «Turǵyn úı qurylys jınaq bankinde» salymy bar turǵyndarǵa ǵana usynylady», deıdi Aqtóbe qalasyndaǵy turǵyn úı qoryn esepke alý sektorynyń meńgerýshisi Janargúl Dúısekenova.
Búgingi kúni «Nur Aqtóbe» shaǵyn aýdanynda qurylysy aıaqtalǵan kottedjderdi onyń ıelerine bólý men ótkizý jumystary júrgizilýde. Mundaǵy jaıly baspanalar ár túrli qurylys materıaldaryn paıdalaný arqyly salynǵan. Onyń biriniń qabyrǵasy kirpishten qalansa, ekinshi biri jergilikti qurylys ındýstrııasynyń basty ónimderiniń biri ekotonnan turǵyzylǵan. Sonymen birge kádimgi panelden boı kótergen úıler de bar. Mundaǵy ishki árleý jumystarynyń sany men sapasy da bank salymshylarynyń talǵamynan shyǵyp otyrǵanynyń ózi bir mereı dese de bolady. Sý, kógildir otyn, jylý jáne elektr qýaty sekildi barlyq ınfroqurylymdyq júıeler turǵyndar ıgiligi úshin tartylǵany bólek bir áńgimeniń enshisi.
Qazirgi kezde oblys boıynsha «Turǵyn úı qurylys jınaq banki» AQ jelisi Aqtóbe fılıalynda toqsan myńǵa jýyq salymshy bar. Osy arada taǵy bir aıta keterlik másele buǵan deıin atalǵan bank arqyly páter men kottedj qunyn tóleýshilerge onyń otyz paıyzdyq mólsherin jınaý mindettelse, endigi jerde alǵashqy jarna kólemi jıyrma paıyzǵa tómendemek. Bul ózgeris respýblıka úkimetiniń bıylǵy 2018 jyldyń 26-maýsymynda ótkizilgen keńesiniń sheshimine sáıkes engizilgen. Osyǵan oraı nesıe burynǵysha bes paıyzdyq syıaqymen 21 jyl merzimge deıin berile bermek. Bul ózgeristerge oraı buǵan deıin qoldanylyp kelgen erejeler de ózgermek. Iаǵnı joǵaryda aıtylǵandaı páterler úshin de kottedjder úshin de alǵashqy jarna 20 paıyz kóleminde tólenbek.
О́ńirde atalǵan baǵdarlamaǵa qatysý úshin tilek pen tapsyrys berýshiler qatary jyl saıyn kóbeıip keledi. Bul kórinis aqtóbelikter arasynda tólem qabileti joǵary jandar men azamattardyń jetkilikti ekenin kórsetedi. Buǵan deıin el turǵyndary ishinde kottedjerdi tek mıllıondaǵan teńge qomaqty qarajaty bar dáýlettiler men qaltalylar ǵana salyp, nemese satyp alyp tura alady degen birjaqty pikir qalyptasqany jasyryn emes. Joq, olaı emes. Oǵan tabys kólemi ortasha, tipti odan da tómen turǵyndar da qol jetkize alady eken. «Nurly jer» memlekettik baǵdarlamasy buǵan basty negiz qalaıdy. Al Aqtóbede ótken jyldan beri paıdalanýǵa berilip kele jatqan kottedjder aldyńǵy pikirimizdiń basty aıǵaǵy bolsaq.
Temir Qusaıyn,
«Egemen Qazaqstan»
AQTО́BE
Sýrette: qoljetimdi kottedjdiń syrtqy kórinisi.