«Nur Álem» sferasy oqýshylar men stýdentterdiń jıi keletin ornyna aınaldy

Esterińizge sala keteıik, qu­jat Qazaqstan óńirleriniń oqý­shylary men stýdentteri úshin halyqaralyq mamandandyrylǵan kórme murasy nysandaryna má­denı-bilim berý týrlaryn uı­ym­­dastyrýdy qamtıdy. Osylaısha, jyl basynan beri «Nur Álem» sferasyn 32 myńnan astam oqý­shy men shamamen 6 myń stýdent kelip kórgen.

Bastapqyda joba fızıka, bıo­logııa jáne basqa da kóptegen pán­der boıynsha elordalyq gım­nazııalarǵa ashyq sabaq ótkizýdi kózdegen bolatyn. Alǵashqy sabaqtan bas­tap-aq balalardyń ja­ratylys­taný ǵylymdaryna degen qyzyǵýshylyǵy arta tústi. О́ıtkeni teorııany qarapaıym baıan­daǵannan góri, materıaldy ınteraktıvti túrde jetkizgen balanyń esinde tez saqtalyp, tez bekitiledi. Endi «Nur Álem» sfe­rasynda ashyq sabaqtardy Astana qalasy ǵana emes, sondaı-aq Aqmola, Qostanaı, Soltústik Qazaqstan jáne basqa da oblys mektepteri ótkize alady.

Jaqynda jasalǵan memorandým aıasynda «Bolashaq energııasy» murajaıyn Jambyl obly­synyń oqýshylary tama­shalady. Ulttyq kompanııa jáne mu­ǵalimdermen «Halqym­nyń ult­­tyq dástúrleri» taqyry­byn­da jáne ár qabatta ótkizilgen sha­ǵyn ekskýrsııa túrinde aǵyl­shyn tilinen ashyq sabaqtar uıym­das­ty­ryldy.

– Joba aıasynda Otanymyzdyń salt-dástúrlerine arnalǵan ıns- tallıasııalary bar zal úlken áser qaldyrdy. Oqýshylardy qyzyqtyrǵany ınteraktıvti ashyq sabaq boldy. Balalar alǵan áserlerin túrli tústi qa­ryn­dash pen flomasterlerdiń kó­megimen qaǵaz betine túsirdi, – dep atap ótti Jambyl oblystyq mektep olımpıadalary men mektep­ten tys is-sharalardy ótkizý ortalyǵynyń áleýmettik-máde­nı baǵdarlamalar bóliminiń meń­gerýshisi Olga Sagandykova.

Jas sýretshiler sferanyń ár qabatynda sýretteme oryndap, sońynda birinshi qabatta tosynnan uıymdastyrylǵan kórmede bala­lardyń qylqalamynan shyq­qan shyǵarmalarymen bar­lyq kelýshiler tanysa aldy.

«Nur Álem» sferasy 8 qabattan turady. Ár deńgeıinde ener­gııa túrleriniń jarqyn ele­me­ntteri men ekspozısııalary usy­nylǵan. Mysaly, ekinshi qa­batta balalar sý energııasyn óndirý tásilderimen, al jetinshi qabatynda ǵarysh energııasymen tanysa alady. Birinshi qabatta ulttyq pavılon ornalasqan, onda ártúrli landshafttar, Qazaqstannyń mádenıeti men tarıhy usynylǵan.