Jyldyń basy aqpan aıynda Qazaqstan halqy Assambleıasy Keńesiniń otyrysynda kezekten tys prezıdenttik saılaý ótkizý týraly bastama kóterildi. Sóıtip kezekten tys saılaý 26 sáýirde ótti. Ortalyq saılaý komıssııasy Qazaqstan Respýblıkasy Prezıdenttigine daýys berý qorytyndysyn jarııalap, saılaýshylardyń 97,75 paıyz daýysyna ıe bolǵan N.Nazarbaevtyń jeńisin resmı málimdedi. Memleket basshysy saılaýaldy tuǵyrnamasynda bes ınstıtýsıonaldyq reformany júzege asyrýdyń mańyzdy qadam ekenin, sondaı-aq ony túbegeıli iske asyrý maqsatynda «100 naqty qadam» Ult josparyn zańdyq turǵydan qamtamasyz etýdi usyndy.
9 qańtar – shahar basshysy Á.Jaqsybekov Astana qalasynyń kásiptik-tehnıkalyq kolledjinde bolyp, bilim mekemeleriniń jumysymen tanysty.
28 qańtar – «Astana» sýret galereıasynda jańa grafıka jáne músin zaly ashyldy. Zalǵa elimizge tanymal kásibı grafıkter men beıneleý óner sheberleriniń músinderi qoıyldy.
6 aqpan – Astanada Qazaqstan halqy Assambleıasy jylynyń ashylýyna baılanysty rásim ótti.
27 aqpan – Astana ákimi Á.Jaqsybekov elordalyq birqatar medısına mekemeleriniń jumysymen tanysyp, «Shıpager» otbasylyq densaýlyq ortalyǵynda boldy.
1 naýryz – Elbasy N.Nazarbaev shahar turǵyndarymen birge «Astana Arena» stadıonynda fýtboldan Qazaqstan sýperkýbogin sarapqa salǵan «Astana» – «Qaırat» oıynyn tamashalady.
16 naýryz – «Astana Opera» teatrynda mádenıet qaıratkerleriniń qatysýymen mádenı saıasattyń tujyrymdamasyn talqylaǵan májilis ótti.
18 naýryz – Astana qalasynda Qazaqstan Respýblıkasy Prezıdenti is basqarmasy medısınalyq ońaltý kesheni ashylyp, sharaǵa N.Nazarbaev qatysty.
6 sáýir – elordanyń barlyq joǵary oqý oryndarynda «Qarqyndy úzilis» sharasy ótkizilip, jastar astanalyqtardy 26 sáýirde ótetin Prezıdent saılaýyna belsene qatysýǵa shaqyrdy.
15 sáýir – Baýyrjan Momyshuly eskertkishi aldyndaǵy alańda Astana qalalyq tilderdi damytý basqarmasynyń uıymdastyrýymen Jeńistiń 70 jyldyǵyna arnalǵan «Namys tuǵyry» atty patrıottyq-taǵylymdyq is-shara ótti.
24 sáýir – elordada Jastar saıasaty máseleleri basqarmasynyń bastamasymen stýdenttik qurylys jáne «Jasyl el» eńbek jasaǵynyń jańa naýqany saltanatty túrde ashyldy.
29 sáýir – saılaýda jeńiske jetken Prezıdent N.Nazarbaev qyzmetine resmı kirisýine baılanysty saltanatty ulyqtaý rásimi ótti.
7 mamyr – Astanadaǵy «Qazaq eli» monýmenti alańynda Qazaqstan Prezıdenti – Qarýly Kúshterdiń Joǵarǵy Bas qolbasshysy N.Nazarbaevtyń qatysýymen Otan qorǵaýshy kúnine jáne Jeńistiń 70 jyldyǵyna arnalǵan áskerý sherý boldy.
20 mamyr – Memleket basshysy N.Nazarbaevtyń bes ınstıtýttyq reformasyn júzege asyrýǵa baǵyttalǵan «100 naqty qadam» Ult jospary jarııalandy.
22 mamyr – Memleket basshysy N.Nazarbaev kópfýnksıonaldy «Talan taýer» jáne «Abý-Dabı Plaza» jáne «Jasyl kvartal» turǵyn úı keshenderiniń qurylys alańyn aralap, atqarylǵan jumystarmen tanysty.
2 maýsym – Astanadan Koreıaǵa jáne Grýzııaǵa tikeleı áýe reısteri ashyldy.
5 maýsym – «Astana Arena» stadıonynda «Mýz TV-2015. Gravıtasııa» syılyǵyn tapsyrý saltanaty ótti.
4 shilde – Elbasy N.Nazarbaev elordadaǵy «Atameken» etno-memorıaldy kesheni alańynda jyl saıynǵy dástúr boıynsha Memlekettik tý kóterý saltanatty rásimine qatysty.
19 tamyz – Astana qalasynda jastar arasynda velosıpedpen jarysýdan UCI álem chempıonaty bastaldy. Oǵan dúnıe júziniń 32 elinen 200-den asa sportshy qatysty.
19 qyrkúıek – Astanada «Biz – taza qala úshin!» uranymen qalalyq senbilik ótti. Sharaǵa 81 myńnan astam adam, 460 tehnıka jumyldyryldy.
20 qarasha – «Astana» halyqaralyq áýejaıynda bıznes-avıasııa termınaly ashyldy.
9 jeltoqsan – Astana qalasynyń ákimi Á.Jaqsybekov 72 jas otbasyǵa saltanatty jaǵdaıda páter kiltin tapsyrdy.
14 jeltoqsan – Memlekettik Týmen bezendirilgen avtokerýen elorda kóshelerimen júrip ótti. Ony uıymdastyrǵan «Nur Otan» partııasy janyndaǵy «Jas Otan» jastar qanatynyń Astana qalalyq fılıaly.
Daıyndaǵan Beken QAIRATULY,
«Egemen Qazaqstan»