Qarshyǵa Arynov buǵan deıin Aqsý qalasy ákiminiń orynbasary qyzmetin atqardy. Oblys ákimi Bolat Baqaýov aýdan aktıvine jańa basshyny tanystyrdy. Qarshyǵa Arynovtyń kandıdatýrasy Prezıdent ákimshiligimen jáne aýdan máslıhatymen kelisilgen.
Qarshyǵa Zaryqhanuly memlekettik qyzmet salasynda 20 jyldan astam ýaqyt eńbek etip keledi. Ár jyldary Aqsý qalasynyń qurylys, turǵyn úı-kommýnaldyq sharýashylyǵy, kommýnaldyq menshik jáne qarjy bólimderin basqarǵan.
- Aýdannyń ınvestısııalyq ahýalyn jaqsartý qajet. Sýarmaly egistikterdiń kólemin arttyrý mindeti tur. Sýarmaly sharýashylyqpen aınalysatyn kásipkerlerdi tabý qajet, - dedi oblys ákimi.
Bolat Baqaýov jańa ákimge shaǵyn jáne orta kásipkerlikti damytýdy, ońtústik óńirlerden turǵyndardy kóshirip ákelip, olarǵa tıisti jaǵdaı jasaýdy tapsyrdy.
Farıda BYQAI, «Egemen Qazaqstan»
PAVLODAR