«Astana» jáne «Al-Nasr» (Saýd Arabııasy) fýtbol klýbtary 2019 jyldyń shildesine deıin Kongo DR quramasynyń shabýylshysy Jýnıor Kabanangany elorda komandasyna jalǵa berý týraly kelisimge qol qoıdy, dep jazady klýbtyń resmı saıty.
Jýnıor «Astana» sapynda 3 maýsym ótkizip, 89 oıynda 38 gol soǵyp, 19 nátıjeli pas berdi. Dál qazirgi ýaqytta Kabananga klýb tarıhyndaǵy úzdik surmergender tiziminde úshinshi orynda tur. Kongo DR quramasynyń shabýylshysy «Astana» sapynda júrip óte mańyzdy goldaryń avtory atandy. 2016 jyly Qazaqstan Kýbogy aıasynda «Qaırat» qaqpasyna sheshýshi goldy soqsa, 2015 jáne 2017 jyldary «Aqtóbe» jáne «Aqjaıyq» komandalary qaqpalaryna gol soǵý arqyly elorda komandasyna altyn júlde syılaǵan edi.
Kabananga eýrokýbokterde «Astana» sapynda júrip «Makkabı» (eki ret), «Vılıarreal», BATE, «Olımpıakos», «Legııa» qaqpalaryna jalpy sany 6 gol soqqan. Jýnıor Kabananga Kongo DR quramasy sapynda 2017 jylǵy Afrıka Ulttar Kýbogynda úzdik surmergen atanyp, atalmysh týrnırdiń tańdaýly quramyna endi. Aıta keteıik, Jýnıor «Al-Nasr» sapyna 2018 jyldyń qysynda aýysyp, 6 oıynda 4 gol soqty.