«Para berseń jazalanasyń». Aqtaýda «Arnaıy monıtorıng toby» músheleri jol polısııasy qyzmetkerlerimen paraqorlyqqa qarsy profılaktıkalyq túsindirý jumystaryn júrgizdi.
Birneshe kún qatarynan «Joldarda sybaılas jemqorlyq deńgeıin tómendetýdiń 10 qadamy» aıasynda qala joldarynda reıdtik sharalar ótip jatyr.
Reıdke oblystyq «Arnaıy monıtorıng toby» músheleri qatysty.
Jemqorlyqtyń aldyn alý jumystaryn QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti uıymdastyryp otyr.
Is-sharanyń maqsaty – jol polısııasy qyzmetkerleri men júrgizýshiler arasynda sybaılas jemqorlyq quqyqbuzýshylyqtary úshin qylmystyq jáne ákimshilik jaýapkershilik bar ekenin túsindirý.
«Para berseń jazalanasyń» atty paraqshada «Para berýshi 15 jylǵa deıingi merzimge bas bostandyǵynan aıyrýǵa jazalanady» dep naqty jazylǵan.
Iаǵnı, tek para men zańsyz syıaqylardy alýshylar emes, para berýshiler de qylmystyq jáne ákimshilik jaýapkershilikke tartylady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy