2018 jylǵy 2-3 tamyzda Mańǵystaý oblysynyń Aqtaý qalasynda Kaspıı teńizi men shekara mańyndaǵy aýmaqtarda «Teńiz-2018» halyqaralyq keshendi oqý-jattyǵýy ótedi, oǵan tórt eldiń - Ázirbaıjan, Qazaqstan, Reseı jáne Túrikmenstannyń qutqarýshylary qatysady.
Oqý-jattyǵý 2014 jylǵy 29 qyrkúıektegi Kaspıı teńizinde tótenshe jaǵdaılardyń aldyn alý jáne joıý salasyndaǵy yntymaqtastyq týraly kelisimniń 4-babyna sáıkes Kaspıı mańy memleketteriniń qutqarý qyzmetteriniń Kaspıı teńizi akvatorııasynda tótenshe jaǵdaılarǵa den qoıý kezindegi ózara is-qımyl máselelerin jetildirý, olardyń birlesken is-qımyldary kezinde kúshter men quraldardy qoldaný tıimdiligin arttyrý maqsatynda uıymdastyrylady.
Birinshi kezeńde 2018 jylǵy 2 tamyzda Aqtaý halyqaralyq teńiz porty bazasynda jedel shtabty ornalastyrý jáne Tótenshe jaǵdaılardaǵy daǵdarys menedjmenti ortalyǵynyń, Mańǵystaý jáne Atyraý oblystarynyń tótenshe jaǵdaılar departamentiniń basqarý ortalyǵy, Kaspıı mańy memleketteriniń avarııalyq agenttikteriniń jáne Kaspıı mańy memleketteriniń avarııalyq-qutqarý qyzmetterin shartty engizýdi damytý úshin paıdalaný josparlanǵan.
Ekinshi kezeń 2018 jylǵy 3 tamyzda Baýtıno teńiz portynda ótedi. Sáıkes ınfraqurylymy bar bazada - Teńiz kemeleri úshin aılaq, baqylaý munarasy, qutqarý komandalarynyń qurylysynyń orny, tikushaq platformalary bar. Qutqarýshylar toby tótenshe jaǵdaılardy joıý is-sharalaryn birlesip ázirleıdi. Qutqarýshylar teńizdegi qıyndyqtarǵa tap bolǵan adamdardy izdeıdi jáne qutqarady, zardap shekkenderge alǵashqy kómek kórsetip, olardy sýdan arnaıy qutqarý tehnologııasymen qutqarý kemesine jetkizedi.
Jattyǵýǵa 500-den astam qyzmetker men 78-ge jýyq arnaýly tehnıka, 2 dana BE-200 ushaǵy, 7 birlik tikushaq, sondaı-aq 7 birlik teńiz kemeleri men 7 birlik qutqarý qaıyqtary qatysady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy