2018 jyldyń 3-5 tamyz aralyǵynda Aqtaý qalasynda Memleket qaıratkeri, general-leıtenant Amangeldi Smaǵululy Shabdarbaevqa arnalǵan paralımpıdalyq sportshylar arasynda turyp oınaıtyn jáne otyryp oınaıtyn jaǵajaı voleıboly boıynsha Halyqaralyq týrnır ótkizilmek.
Mańǵystaý oblysynyń ákimdigi men Mańǵystaý oblysynyń dene shynyqtyrý jáne sport basqarmasynyń qoldaýymen, Mańǵystaý oblystyq múgedektik sport klýbynyń uıymdastyrýymen jyl asıny ótkiziletin atalmysh týrnırdiń basty maqsaty múgedekter arasynda dene shynyqtyrý men sportty keńinen tanytý, múgedek-sportshylar qataryna jańa qatysýshylardy tartý, ózge memlekettermen dostyq qarym-qatynasty nyǵaıtý jáne dene shynyqtyrý jáne sportty múgedekterdi qaıta ońaltýdyń tıimdi ádisi retinde nasıhattaý.
Halyqaralyq týrnırge Polsha men Slovakııadan 2 komanda, Reseı, Latvııa, О́zbekstan qurama komandalary jáne Qazaqstan Respýblıkasynyń klýbtyq komandalary qatysady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy