Jaǵdaı ońala bastady

Jańaózen qalasynda, jalpy, Mań­­ǵystaý oblysynda da jaǵdaı qalypty kúıde jáne quqyq qorǵaý organ­dary­nyń baqylaýynda tur. Jeltoqsannyń 20-nan 21-ne qaraǵan túni Jańaózen qa­lasynda komendanttyq saǵatty buzǵany úshin komendatýrada 9 adamǵa zańdy túsindirý jumystary júrgizilgennen keıin olar úılerine jetkizildi. Úki­met­tik komıssııa jappaı tártipsizdiktermen baı­lanysty týyndaǵan problemalardy sheshý jónin­de birqatar usynystar ázir­ledi. Jańa­ózen qalasyndaǵy qo­ǵamdyq tártipti qal­pyna keltirý jáne jaǵ­daı­dy turaq­tandyrý úshin Úkimet qajetti aqshalaı qarajat bólýde. Qa­lalyq komendatýra qala aýmaqtaryn tazalaý, bilim berý mekemeleriniń, áleý­mettik-má­de­nı jáne basqa da qala tur­ǵyn­dary­nyń tynys-tir­shiligin qam­ta­ma­syz etý nysan­darynyń jumystaryn qaıta iske qosý jónindegi qajetti sharalar qabyl­daýda. 2011 jyl­dyń 21 jel­toqsanynda «О́zenmunaıgaz» jáne «Qa­rajanbas­mu­naı» kompanııa­lary­nyń ju­mysshylary túgeldeı ju­mysqa shyq­ty. Jedel tergeý toby jappaı tártip­siz­dikterdiń uıym­das­tyrý­shy­lary men neǵurlym belsendi qatysý­shy­laryn zań­men belgilengen jaýapkershilikke tartý jónin­degi jumystardy jal­ǵas­tyrýda, dep habarlady Bas prokýra­týranyń baspa­sóz qyzmeti.