«Astana LRT» kompanııasy elordada nóser kezinde salonyna sý kirip ketken avtobýstyń vıdeosyna qatysty túsinikteme berdi, dep jazady Qazaqparat.
Buǵan deıin áleýmettik jelide Astana kóshesimen júrip kele avtobýstyń salonyn tolyǵymen sý alyp ketkeni jóninde vıdeo taraǵan edi. «Jelide taraǵan vıdeoǵa kelsek, avtobýsty sý basý qaýpi bolǵandyqtan, júrgizýshi qozǵalysty toqtata almady. Sol sebepti júrgizýshi sý basqan aýmaqtan júrip ótip, kelesi aınalymyn ýaqytsha ózgertilgen shema boıynsha bastaǵan», - dep túsindirdi kompanııanyń baspasóz hatshysy. Baspasóz hatshysynyń habarlaýynsha, qazir de B. Momyshuly dańǵylynyń A.Toqpanov - Saraıshyq bóligin sý basyp jatyr.
Aıta keteıik, Astanada tolassyz jaýǵan nóser jańbyrdan kóshelerdi sý alyp, birqatar avtobýs baǵdary ózgertildi. B. Momyshuly dańǵylynyń A.Toqpanov - Saraıshyq kóshesi aralyǵynda júretin №15, 47, 51, 56, 61, 101 avtobýs baǵdarlary 21 tamyz 06:00-den bastap sý tazartylǵansha ýaqytsha qozǵalys baǵyttaryn ózgertedi.