Elimizdiń Ulttyq banki bolsa, jyl sońyna deıin 1,4 mıllıard dollar kóleminde valıýta satyp alýdy josparlap otyr. Bank mamandarynyń pikirinshe, mundaı operasııa naryqtaǵy táýekelderdi retteýge jetkilikti.
Qarjylyq uıym 2016 jyldan beri valıýta rezervterin ártaraptandyrý saıasatyn ustanyp keledi. Sonymen qatar valıýta naryǵyndaǵy Reseı aqshasynyń qubylýyna elimizdiń ulttyq banky yqpal etpeıdi. Bul týraly búgin aqsha-nesıe saıasaty jónindegi dóńgelek ústel barysynda departament mamandary málim etti. Sarapshylardyń aıtýynsha, byltyrdan beri júrgizilgen baqylaýlarǵa sáıkes, teńgeniń rýblge shaqqandaǵy baǵamy qalypty boldy. Kúrdeli aýytqýlar bolǵan joq. Al Reseı valıýtasyna jalpy naryqtyq ahýal yqpal etken.
Álııa Moldabekova, monetarlyq operasııalar jónindegi departament dırektory:
- 2017-2018 jyldar aralyǵynda teńgeniń rýblge shaqqandaǵy baǵamy 5 teńgeden aspaǵan bolatyn. Alaıda 2018 jyldyń sáýir aıynda baǵam maksımaldy kórsetkishti baıqatty. Iаǵnı 6 teńgeni qurady. Qarap otyrsańyzdar biz rýbl baǵamyn shektemeımiz. Esterińizde bolsa byltyr kúzde ishki faktorlardyń legimen ıaǵnı teńgeniń qunsyzdanýyn boljaǵan ýaqytta valıýtamyz rýblge qatysty kerisinshe nyǵaıa tústi. О́ıtkeni reseıge qarsy jasalǵan sanksııalar yqpaly valıýtanyń qulydarýyna ákeldi. Árıne ulttyq valıýtamyz da rýbl tolqýlaryn azdap qaıtalaǵany ras bul zańdylyq.
- Sondaı-aq sarapshylar damýshy naryqtardaǵy valıýta kórsetkishteriniń tómendegenin de atap ótti. Oǵan Federaldy rezervtik júıeniń paıyzdyq mólsherlemeni ózgertkeni yqpal etken. Mamandar keltirgen málimetterge sáıkes, jyl basynan beri Reseı aqshasy 18 paıyzǵa quldyrasa, teńge 8,8 paıyzdy qurap dollar men eýroǵa qatysty ózgeris baıqatqan jáne Qytaı ıýanine de jol bergen. Mamandardyń pikirinshe, teńgeniń qubylýyna damýshy naryqtardan iri ınvestorlardyń aqshasyn keri qaıtaryp alýy syńdy úrdis yqpal etken.
24.kz