Respýblıkalyq Pedıatrııa jáne balalar hırýrgııasy ǵylymı ortalyǵynyń rentgenohırýrgy Azız Onlasynov Taldyqorǵan qalasyndaǵy oblystyq kardıologııa ortalyǵynda otandyk medısına tarıhynda alǵash ret júrek qalqanshasyn aýystyrý otasyn jasady. Buǵan deıin medısınada jabyq ádispen jasalatyn operasııa sátti aıaqtalyp, tarıhqa endi.
Azız Ońlasynov otadan keıin okklıýder arqyly júrek qalqanshasyndaǵy sańylaýdy transkateterli jabý ádisi boıynsha sheberlik sabaǵyn ótkizdi. О́z isiniń mamany atanǵan dáriger-hırýrg eki naýqasqa ota jasap, jańa ádis múmkindikteriniń burynnan beri qoldanylyp kelgen tásilderden áldeqaıda utymdy ekenin áriptesteri aldynda naqty dáleldedi.
Onyń aıtýynsha, qalypty jaǵdaıda mundaı ottalar óte uzaqqa sozylyp, tym kúrdeliligimen erekshelenetin. «Eń aldymen naýqas jalpy narkoz arqyly uıyqtatylady. Onyń keýde qýysy ashylyp, júrektiń jumysy ýaqytsha toqtatylyp sodan keıin biraq sańylaýdy tigý arqyly jamaıtynbyz. Al okklıýdermen tamyr arqyly júrek qalqanshasynyń sańylaýyn biteý áldeqaıda jyldam», - deıdi Azız Onlasynov.
Mundaı ádisten keıin naýqas birden ońalyp, kúndelikti tirlikke tez oralady. Almaty jáne Astana qalalarynda operasııanyń bul túri turaqty jasalyp turady. Endigi jerde Taldyqorǵanda da júzege asyrylatyn bolady. Almaty oblystyq kardıologııa ortalyǵynyń bas dárigeri Rahymberdi Sultanbekovtiń aıtýynsha, jetisýlyq dárigerler de jańa tásildi meńgerýde. Qazirgi kezde ortalyqta jylyna 200-den astam ota jasalady eken. Aldaǵy kezde júrek aqaýlaryn jóndeý jeńildep, jaqsara túsedi.
Qalmahanbet Muqametqalı,
«Egemen Qazaqstan»
Almaty oblysy