Elektorat belsendiligi joǵary bolatyndaı

Keshe Astanada «Demokratııalyq ınstıtýty» ǵylymı-zertteý qaýymdastyǵy qoǵamdyq birlestigi 17-19 jeltoqsan kúnderi Parlament Májilisi saılaýyna arnalǵan qoǵamdyq pikirge osymen ekinshi ret áleýmettanýlyq zertteý júrgizgenderin málim etti. Qoǵamdyq birlestiktiń jobalar dırektory Iýlııa Kýchınskaıa­nyń aıtýynsha, saýaldama úsh kún boıy Astana men Almaty qala­lary jáne elimizdiń barlyq ob­lystarynda júr­gi­zilip, sonyń nátıjesinde ha­lyqtyń elekt­oral­dyq belsen­dili­giniń deńgeıi pa­ıyz­dyq eseppen alǵanda 67,7 pa­ıyzdy quraǵan. Osy saýaldama ke­zinde halyqtyń eki suraqqa ǵa­na jaýap berýine ótinish jasaldy. Onyń birinshisi – «Aldaǵy 2012 jylǵy 15 qańtarda bolatyn Qa­zaq­stan Respýblıkasy Parlamenti Má­ji­lisi men máslıhattar depýtat­tary­nyń saılaýynda daýys berýge qatysasyz ba?» degen suraq bolsa, ekinshisi – «Eger de siz saılaý ýchaskesine Parlament saılaýy kúni bar­sańyz, onda dáliregi qaı partııaǵa daýys beresiz?» degen suraq boldy. Sóıtip, birinshi suraqqa jaýap retinde respondentterdiń 57,5 pa­ıyzy ózderiniń daýys berýge qa­tysatynyn nyq senimmen aıtqan bolsa, ekinshi suraqqa jaýap bergen adamdardyń basym bóligi «Nur Otan» partııasyna daýys be­retin­derin málimdedi. «Onda respon­dent­terdiń 80,2 paıyzy saı­laýǵa «Nur Otan» halyqtyq-demo­kra­tııa­lyq partııasyna daýys berý úshin baratyndaryn aıtsa, ha­lyqtyń 7,1 paıyzy «Aq jol» Qazaqstannyń demokratııalyq par­tııasyna daýys beretinderin jetkizgen, deıdi Iý.Kýchınskaıa.  Odan ári Jalpyulttyq so­sıal-demo­kratııalyq partııasy res­pon­dent­terdiń 2,2 paıyz daýy­syn, Qazaq­stannyń Kommýnıstik halyq­tyq partııasy – 2,1 paıyzyn, «Ádi­let» demokratııalyq partııasy – 1,8 paıyzyn, Patrıottar partııa­sy – 1,6 paıyzyn, Qazaqstannyń «Aýyl» sosıal-demokratııalyq par­tııasy 1,5 paıyzyn jınaǵan bolsa, «Rýhanııat» partııasy su­ralǵan adamdardyń 0,1 paıyz daýysyna ıe bolǵan». Osylaısha, ótken monıtorıng qorytyndylarymen salystyr­ǵan­da saıası partııalardyń elekto­ral­dyq belsendiligi men reıtıng­teriniń óskendigi baıqalady, deıdi qoǵamdyq birlestik ókili.

Saýaldamalyq suraqqa Qazaq­stannyń barlyq óńirlerinen, Astana men Almaty qalalarynan 1 500 respondent qatyssa, olarǵa qoǵam­dyq birlestiktiń 50-80 ókili suraý salǵan. Saýaldama «Qazaq­stannyń Azamattyq alıansy» uıymynyń tapsyrysy boıynsha júrgizilipti.

Dastan KENJALIN