Tashkentte Qazaqstan Respýblıkasy men О́zbekstan Respýblıkasy Syrtqy ister mınıstrlikteri arasynda saıası konsýltasııalar ótti, dep habarlaıdy QR SIM baspasóz qyzmeti.
Qazaqstandyq delegasııany QR Syrtqy ister mınıstriniń orynbasary Ǵalymjan Qoıshybaev, О́zbekstan delegasııasyn О́R Syrtqy ister mınıstriniń orynbasary Dılshod Ahatov basqardy.
Konsýltasııalar barysynda Qazaqstan Prezıdenti Nursultan Nazarbaev pen О́zbekstan Prezıdenti Shavkat Mırzııoevtiń 2017 jylǵy ózara memlekettik saparlary barysynda qol jetkizilgen ýaǵdalastyqtardy iske asyrý máselelerine erekshe nazar aýdarlydy.
Saıası, saýda-ekonomıkalyq, mádenı-gýmanıtarlyq salalardaǵy ekijaqty jáne kópjaqty yntymaqtastyqtyń ózekti máseleleri boıynsha pikir almasyldy. О́ńirlik jáne halyqaralyq kún tártibiniń túrli aspektileri talqylandy.
«Qazaqstan О́zbekstandy baýyrlas memleket, jaqsy kórshi, Ortalyq Azııadaǵy negizgi saıası jáne ekonomıkalyq áriptes retinde qarastyrady. Memleket basshysy óńirlik yntymaqtastyqqa erekshe mán beredi, onda О́zbekstan erekshe oryn alady», - dedi Ǵ. Qoıshybaev. 2020 jylǵa deıin ózara saýdada 5 mlrd. dollarǵa jetý boıynsha eki eldiń Prezıdentteri qoıǵan maqsatqa jetý úshin saýda-ekonomıkalyq yntymaqtastyqty keńeıtý, jańa ónimder boıynsha eksportty jáne ımportty arttyrý qajettiligi atap ótildi.
О́zbek dıplomaty búgingi tańda Qazaqstan-О́zbekstan yntymaqtastyǵy barlyq salalarda joǵary qarqyndy damyp kele jatqanyn atap ótti. «Biz álemdik arenadaǵy Qazaqstannyń jetistigimen maqtan tutamyz, sizdiń qoldaýyńyz joǵary baǵalanady jáne biz barlyq ekijaqty máseleler boıynsha yqpaldastyǵymyzdy keńeıtýge daıynbyz. О́zbekstan Qazaqstanmen qarym-qatynasty damytýǵa basymdyq beredi», - dedi D.Ahatov.
Kelissózder barysynda taraptar eki eldiń memlekettik organdaryna ekonomıkanyń perspektıvalyq sektorlarynda iri birlesken jobalardy iske asyrýdyń múmkindikterin zerdeleýdi jalǵastyrýdy usyný jóninde ýaǵdalastyqqa qol jetkizdi.
О́zbekstannyń Qazaqstandaǵy aǵymdaǵy jyly aıasynda birqatar is-sharalardyń sátti ótkeni atap ótildi. 2019 jyly aldaǵy Qazaqstannyń О́zbekstandaǵy jylyna daıyndyq barysy talqylandy.
Sondaı-aq 2018 jylǵy 15 naýryzda Astana qalasynda ótken Ortalyq Azııa memleketter basshylarynyń jumys (konsýltatıvtik) kezdesýiniń qorytyndysy boıynsha qol jetkizilgen ýaǵdalastyqtar turǵysynda yqpaldastyqtyń óńirlik aspektileri talqylandy.
Qazaqstan delegasııasynyń basshysy ózbek tarapyna konsýltasııalar uıymdastyrýdyń joǵary deńgeıine rızashylyǵyn bildirdi jáne ózbek áriptesin Astanaǵa syrtqy ister mınıstrlikteri arasyndaǵy ekijaqty dıalogty jalǵastyrý úshin shaqyrdy.