Qazaqstandyq baıdarka esishýler 200 metr qashyqtyqqa arnalǵan jarysta, altyn aldy, dep habarlaıdy Ulttyq Olımpıadalyq komıtettiń baspasóz qyzmeti.
Komıtet taratqan málimetterge qaraǵanda, altyndy qazaqstandyq baıdarka esýshi Inna Klımova jeńip aldy. Onyń jarystaǵy nátıjesi - 42.045. Inna qytaılyq qarsylasynan 0.462 sekýndqa ozyp ketti. Qola júlde japonııalyq sportshynyń enshisinde. «Men jeńiske jetemin degen maqsat qoıdym. О́ıtkeni, bul elimiz úshin mańyzdy doda.
Sondyqtan, psıhologııalyq turǵydan azdap qıyndyq týdy. Barlyǵy osylaı aıaqtalǵanyna rızamyn. Endi tórt adamdyq jarysta barymdy salamyn. Qoldaýlaryńyzǵa rahmet! Bul jeńisimdi barsha Qazaqstan halqyna jáne Denıs Tenniń rýhyna arnaımyn», - dedi Klınova. Sondaı-aq baıdarkamen 200 metrge jarysta Sergeı Tokarnıskıı kúmis júldeger atandy. Sergeıdiń ýaqyt kórsetkishi - 35.745 sekýnd. Jeńimpaz atanǵan qytaılyq sportshynyń nátıjesi - 35.373. Qola júlde Sıngapýr ókiline buıyrdy.
«О́kinishke qaraı, kúmis júlde... Biraq esh moıymaımyn. Aldaǵy Azııa oıyndarynda nemese basqa da iri jarystarda altyn alýǵa tyrysamyn. Barlyq Qazaqstan halqyna qoldaý kórsetkeni úshin alǵysym sheksiz», - dedi Tokarnıskıı. Qazaqstandyqtardyń abyroıyn osy joly trıatlonshylar da asqaqtatty. Qazaqstandyqtar asa úlken úmit arta qoımaǵanymen atalmysh sport túrinen el namysyn qorǵaǵan Aıan Beısenbaev kúmis júlde aldy. Ol júzý, velojarys jáne júgirýdi 1:50:38 ýaqyt kórsetkishimen aıaqtady. Aıan Azııa oıyndarynyń chempıony atanǵan japondyq Djampeı Fýrýıadan 55 sekýndqa utyldy. Úshinshi orynda qytaılyq Mıngsıý Lı tur.
Al 200 metrge kanoemen jarysta básekege túsken Mereı Medetov pen Tımýr Haıdarov juby qola júldeni enshiledi. Qazaqstandyqtar bul synda Qytaı men О́zbekstan sportshylaryna jol berdi. Medetov pen Haıdarovtyń ýaqyt kórsetkishi - 37.371. «Jarys joǵary deńgeıde ótti. Qoldan kelgenshe aıanyp qalǵan joqpyz. Eń bastysy - óz nátıjemizge kóńilimiz tolady. Qarsylastardyń bir bas joǵary bolǵanyn moıyndaımyz. Qoldaý kórsetken jankúıerlerge kóp rahmet!», - deıdi Tımýr Haıdarov.