Aýǵanstan astanasy Kabýlda bolǵan 2 jarylystan 20 adam qaza taýyp, 70-i jaralandy, dep habarlaıdy BBC.com.
Birinshi jarylystan klýb ishindegi tórt adam qaza tapqan, osydan keıin avtokóliktegi ekinshi jankeshti ózin-ózi jaryp jiberdi. Osy jarylystan «Tolo» jańalyqtar arnasynyń eki jýrnalısti qaza taýyp, taǵy tórt adam jaraqat aldy.
Jarylystar qala shııtteriniń musylman aýdanynda boldy.
«Tolo» kompanııasynyń basshysy Lotfılla Najafızada Twitter-degi paraqshasynda «bul qaıǵyly oqıǵa arnamyzdyń eń bilikti jýrnalısterinen aıyrdy» dep jazdy.
Shabýyldy áli eshqandaı top moınyna alǵan joq, alaıda «Islam memleketi» terrorlyq toby Dasht-e-Barchı aýdanynda osyndaı shabýyldardy jasaǵan bolatyn.
Aıta keteıik, qaza tapqan jýrnalısterdiń biri jýrnalıst Saıd Samım Faramarz Qazaqstanda bilim alǵan. Qazaq tilimen qatar, álemniń 7 tilin jetik meńgergen. Osydan úsh jyl buryn Qazaq ulttyq ýnıversıtetiniń jýrnalıstıka fakýltetin bitirgen. Oqýdy bitirgen soń, eline baryp, qyzmet istedi.