Qurlyqtyq hokkeı lıgasynyń (QHL) bıylǵy maýsymyn Astananyń «Barysy» iri jeńispen bastady. О́ziniń tusaýkeser kezdesýin Nıjnekamsk qalasynda jergilikti «Neftehımık» klýbyna qarsy ótkizgen jerlesimiz 6:1 esebimen jeńiske jetti.
Bul komandany biraz jyldan beri «Barystyń» burynǵy bapkeri Andreı Nazarovtyń jattyqtyratyny belgili. Alǵashqy oıynda olar óz aıdynynda Podolskiniń «Vıtıaz» klýbyna utylǵan bolatyn. Jergilikti hokkeıshiler bul joly qaıtkende de óz kórermenderiniń senimin aqtaý úshin baryn salatynyn alǵashqy mınýttarda ańǵartqan edi. Birinshi kezeńde qos komanda qansha jantalasqanymen, bir-biriniń osal tusyn taba almady.
Úzilisten keıin jaǵdaı kúrt ózgerdi. Qaharyna mingen qonaqtar jıi shabýyldap, aınaldyrǵan úsh mınýt aralyǵynda qatarynan ret nysany dál kózdedi. Bul goldyń avtorlary – Patrıs Korme men Darren Dıs. Al úshinshi kezeńde Roman Starchenko, Andre Petersson, Pavel Akolzın jáne Mettıý Frettın mergendik tanytsa, aıdyn ıeleri olarǵa bir ǵana shaıbamen jaýap qaıtarýǵa jarady.
Osylaısha, «Barys» bıylǵy QHL-dyń turaqty birinshiligin aıqyn jeńispen bastady. Erteń bizdiń jigitter Qazanda Gagarın kýbogynyń ıegeri «Aq Barsqa» oınaıdy.
Ǵalym SÚLEIMEN,
«Egemen Qazaqstan»