«Nur Otan» partııasyn modernızasııalaý aıasynda 2018 jylǵy 6-7 qyrkúıek kúnderi Pavlodarda partııa Hatshysy Tamara Dúısenova men partııanyń Pavlodar oblystyq fılıalynyń tóraǵasy, oblys ákimi Bolat Baqaýovtyń qatysýymen tuńǵysh aımaqtyq bastaýysh partııa uıymdarynyń forýmy ótýde.
Pavlodarda ótetin tuńǵysh BPU forýmynda jalpy sany 250 adamnan astam partııa Ortalyq apparatynyń qyzmetkerleri, Aqmola, Shyǵys Qazaqstan, Soltústik Qazaqstan jáne Pavlodar oblystarynan kelgen iri bastaýysh partııa uıymdarynyń basshylary men aýmaqtyq partııa fılıaldary tóraǵalarynyń birinshi orynbasarlary qatysady.
Eki kúndik jıynnyń basty maqsaty – BPU belsendiligin arttyrý Konsepsııasynyń jobasyn talqylaý. Sonymen birge, is-shara barysynda qatysýshylar partııalyq kadrlyq rezervti qalyptastyrý máselelerin qarastyryp, «Áleýmettik jelilerde partııalyq jumysty júrgizýdiń tehnologııalary» sekildi mass-medıa mamandarynyń master-klasstaryna qatysty.
- Bastaýysh partııa uıymdarynyń belsendiligin arttyrý Konsepsııasyn ázirlep, ony partııa qyzmetin modernızasııalaý turǵysynan qarastyrýdamyz. Máselen, bastaýysh uıymdar jalpyulttyq kún tártibin qalyptastyrýǵa qalaı qatysady, Memleket basshysynyń júktegen mindetteri men maqsattary týraly halyqqa qandaı aqparat jetkizedi, jastarmen qalaı jumys isteıdi, aımaqtardyń áleýmettik máselelerin monıtorıngileý úshin saıası jáne strategııalyq múmkindikterimiz qandaı bolmaq, partııa músheleriniń sapalyq quramy qandaı bolýy kerek degen máseleler asa mańyzdy. Aımaqtyq forým nátıjesi boıynsha túsken usynystar Astanada ótetin BPU respýblıkalyq forýmynda kórsetiledi, - dedi Tamara Dúısenova is-sharanyń ashylýynda.
Forým jumysy birneshe seksııaǵa bólingen. Árbir seksııada respýblıkanyń tórt oblysynan kelgen partııalyqtar partııa Hatshysy T. Dúısenovanyń qatysýymen bolashaq BPU belsendiligin arttyrý Konsepsııasyn talqylady. Onyń ishinde qyzmetti baǵalaý, jigerlendirý júıesin engizý, bastaýysh partııa uıymdarynyń málimetter bazasyn jańartý, partııalyq bilim berý, adamı resýrstardy basqarý jáne partııalyq kadrlyq rezervti qalyptastyrý máseleleri qarastyryldy.
T.Dúısenova atap ótkendeı, partııa basshylyǵy bastaýysh uıymdardan BPU qyzmetiniń belsendiligin arttyrý jáne uıymnyń kadrlyq áleýetin kúsheıtý boıynsha naqty usynystar kútedi. Ári qaraı forýmǵa qatysýshylar «Sıfrlyq partııa» jobasymen tanysty. Bul joba partııa qyzmetin sıfrlandyrýǵa, birtutas músheler bazasyn qalyptastyrý jáne qaǵazbastylyqtan arylýǵa baǵyttalǵan.
Partııa Ortalyq apparatynyń Saıası jumys departamentiniń dırektory Danııar Áljanovpen birge qatysýshylar partııanyń ıdeologııalyq jobalary, sıfrovızasııa, turǵyndardyń sıfrlyq saýatyn arttyrý, úshtildilikke kóshý, bıznestiń geoaqparattyq onlaın-servıs, shaǵyn jáne orta bıznesti damytý, memlekettik jastar saıasatyn, «Rýhanı jańǵyrý» baǵdarlamasyn júzege asyrý jáne qoldaý jáne t.b. 22 jańa partjobanyń júzege asyrylýyn talqylady.
Ortalyq apparat Baspasóz-qyzmetiniń basshysy Álııa Bórıevamen spıkerlermen jumys jasaý mexanızimine taldaý jasalyndy. Sonymen qatar, aımaqtyq forýmǵa qatysýshylar nazaryna «Sheshendik óner», «Saıası kommýnıkasııalar» jáne basqa da trenıngter usynyldy. Forýmnyń ekinshi kúninde partııa oblfılıalynda plenarlyq otyrys ótedi. Onda qatysýshylar BPU belsendiligin arttyrý Konsepsııasy men ózge de máseleler boıynsha óz usynystaryn jetkizedi.
Esterińizge sala keteıik, dál osyndaı is-sharalar Shymkent pen Qaraǵandy qalalarynda ótken bolatyn. Úsh aımaqtyq forým usynystar bolashaq konsepsııanyń negizine aınalady. Onyń tusaýkeseri ústimizdegi jyldyń qarasha aıynda Astanada ótetin respýblıkalyq BPU forýmynda ótedi. Anyqtama úshin: qazirgi kezde «Nur Otan» partııasynyń 1 mln. adamdy biriktiretin 6 myń BPU jumys isteıdi. Olardyń jumysyn uıymdastyrýda basty ról bastaýysh uıymdardyń basshylaryna júktelgen. Sondyqtan BPU tóraǵalaryn oqytýǵa den qoıǵan. 2017 jáne 2018 jyldary BPU-lardyń 4 myń tóraǵalary onlaın-oqytý, semınar-trenıngterde bilim aldy.