Almatydaǵy Mahmatma Gandı atyndaǵy saıabaqta voleıbolynan Qazaqstan chempıonaty aıaqtaldy. 22 márte jalaýy jelbiregen jarysta Almaty, Taldyqorǵan jáne Aqtaý qalalarynan kelgen 16 erler jáne 9 áıelder komandalary qatysty.
Erler arasyndaǵy jarystyń fınaldyq saıysynda almatylyq qos ujym «Býrevestnık-1» jáne «Býrevestnık-2» klýbtary bas júldeni ózara sarapqa saldy. Barsha kórermen nazaryn ózine aýdarǵan asa shıelenisti aıqas alǵashqylarynyń paıdasyna sheshildi. Osylaısha, quramynda Alekseı Sıdorenko men Aleksandr Dıachenko syndy ákki oıynshylary bar «Býrevestnık-1» ujymy chempıondyq ataqtaryn taǵy bir márte sátti qorǵady. Almatylyq Dmıtrıı Iаkovlev pen Sergeı Bogatý juby kúmis medaldi ıelense, aqtaýlyq Alekseı Kýleshov pen Aleksandr Babıchevke arqa súıegen «Kaspıı» komandasy qolaǵa qol sozdy.
Áıelder saıysynda Taldyqorǵannyń «Jetisýi» jeńimpaz atandy. Halyqaralyq arenada mol tájirıbe jıǵan Tatıana Mashkova men Irına Sımbalova juby jarys barysynda barlyq qarsylastarynan basym túsip, altynnan alqa taǵyndy. Ekinshi jáne úshinshi oryndarda – Aqtaýdyń «Kaspıı» (Baqtygúl Samalıkova, Anastasııa Ýkolova) jáne Almatynyń «Almaty VK» (Tańsulý Qaıyrbekova, Madına О́teýlına) klýbtary.
Ǵalym SÚLEIMEN,
«Egemen Qazaqstan»
ALMATY