Bul bastama oblystyń 2000 turǵynyna óz úılerin arzan baǵamen satyp alýǵa múmkindik beredi. Turǵyn úıdiń jalpy aýdany 172,6 myń sharshy metrdi quraıdy, dep habarlaıdy Atyraý oblysynyń О́ńirlik kommýnıkasııalar qyzmeti.
Atyraý oblysynyń ákimi Nurlan Noǵaev, «Turǵyn úı qurylys jınaq banki» AQ basqarma tóraǵasy Lázzat Ibragımova jáne «Atyraý» ÁKK basshysy Marat Túsipqalıev Yntymaqtastyq týraly memorandýmǵa qol qoıdy.
Bul kelisimshart boıynsha 2019 jyly tapsyrylatyn 297 páterge arnalǵan 4 nysannyń qurylysy salynatyn bolady. Budan basqa Atyraý oblysynyń turǵyndaryn turǵyn úımen qamtamasyz etý úshin birqatar memorandýmdarǵa qol qoıyldy.
Atyraý oblysynyń ákimi Nurlan Noǵaev sálem joldaı otyryp, oblys turǵyndaryn turǵyn úımen qamtamasyz etý boıynsha júrgizilip jatqan jumystar týraly áńgimelep berdi.
- Qazirgi tańda oblysta 3 myń páterli 44 kópqabatty úı salynady. Jyldyń sońyna deıin 2000 páterge arnalǵan 34 kóp qabatty úı paıdalanýǵa beriledi. Aıta ketý kerek, «7-20-25» memlekettik baǵdarlamasyna qyzyǵýshylyq tanytyp, jyl basynan beri 59 ótinim qabyldandy, onyń 34-i bekitildi,- dedi oblys ákimi.
Budan basqa, jasalǵan memorandýmdar aıasynda «Nursaıa» yqsham aýdanynda 100 páterlik turǵyn úıler qurylysy turǵyzylady. Sondaı-aq, «Nurly jer» baǵdarlamasy boıynsha «Nursaıa» jáne «Bereke» aýdandarynda 21 turǵyn úı salynatyn bolady.
«Nurly jer» baǵdarlamasynyń taǵy bireýi Talǵaıran turǵyn aýdanynda 80 jeke menshik úı salynady. Olardyń aýdany 64 - 191 sharshy metr, úıleri bir jáne eki qabatty. 1 sharshy metrdiń turǵyn úı baǵasy - 120 000 teńge.
Sonymen birge áleýetti satyp alýshylar jer ýchaskesin alý úshin jergilikti ákimdikte bolýǵa tıis.
«Nurly Jer» baǵdarlamasynyń qatysýshysy bolý úshin jáne turǵyn úıdi satyp alý úshin DSSB esebinde 20% bastapqy jarna jetkilikti. Eger 1 bólmeli páterdiń qunyn 7 mıllıon teńge dep alatyn bolsańyz, onda depozıtke 1,4 mıllıon teńge jınaý kerek. Sodan keıin bank jeńildetilgen nesıeni jyldyq 5% mólsherinde beredi , -dep málimdedi Turǵyn úı qurylys jınaq bankiniń tóraǵasy Lázzat Ibragımova.