Indonezııada ótken HVIII jazǵy Azııa oıyndarynda Qazaqstan qurama komandasynyń sapynda Qaraǵandy oblysynan 34 sportshy óner kórsetken bolatyn. Olardyń ishinde 11 sańlaq júldeger atanyp, elge oljaly oraldy.
Azıada dodasynda aty ozǵan atletterdiń ishinde kúmis medaldi komandalyq synda ıelengen dzıýdoshylar Islam Bozbaev, Jansaı Smaǵulov jáne Sanjar Jaborov bar. Sondaı-aq qyzdar kúresinen Elmıra Syzdyqova, grek-rım kúresinen Erulan Ysqaqov, djı-djıtsýdan Nurjan Seıdýálı, sambodan Beıimbet Qanjanov, mánerlep júzýden apaly-sińlili Ekaterına jáne Aleksandra Nemıchter, jeńil atletıkadan Rımma Kashafýtdınova qola júldege qol jetkizgen. Al Qaraǵandy oblysyna jalǵyz altyn medaldi jezqazǵandyq samboshy Baǵlan Ibragım syılaǵan bolatyn.
Burnaǵy kúni Qaraǵandy oblysynyń ákimi Erlan Qoshanov Azııa oıyndarynda Qaraǵandy oblysynyń namysyn laıyqty qorǵaǵan bir top sportshy men olardyń jattyqtyrýshylaryn qabyldap, olarǵa syı-sııapat kórsetti.
– Barsha qaraǵandylyqtar men jankúıerler atynan sizderge alǵys aıtqym keledi. Azııa oıyndaryndaǵy jeńis – bizdiń ortaq jeńisimiz, – dedi óńir basshysy.
Oblys ákimi Azıadanyń altyn júldegerine 1,5 mıllıon teńge, 2-shi jáne 3-oryn alǵan atletterge, sáıkesinshe 1 mıllıon teńge jáne 750 myń teńgeniń sertıfıkattaryn tabys etti. Eń basty syılyqqa Azıada chempıony Baǵlan Ibragım ıe boldy. О́ńir basshysy onyń qolyna jańa páterdiń kiltin ustatty.
Qaırat ÁBILDA,
«Egemen Qazaqstan»
QARAǴANDY