Amerıka Qurama Shtattarynyń Las Vegas qalasyndaǵy T-Mobile Arena-da qazaqstandyq boksshy Gennadıı Golovkın (38-0-1, 34 KO) men meksıkalyq Saýl Alvarestiń (49-1-2, 34 KO) rematchy aıaqtaldy.
Sońǵy raýndta Golovkınniń sol jaqtan urǵan birneshe soqqysy qarsylasyna dóp tıdi. «Kanelonyń» aıaǵy taıyp bir jyǵylyp turǵanymen bul nokdaýn emes edi. 12-shi raýndta ábden sharshaǵan boksshylardyń aıqasy osylaısha nokaýtsyz aıaqtaldy. Tóreshilerdiń sheshimimen tartysty jekpe-jekte Kanelo jeńiske jetti.
"Ol tamasha boksshy. Alaıda búgingi keshte men basymdyǵymdy aıqyn kórsettim" , dedi Alvares
Eske sala ketsek, osydan týra bir jyl buryn qos boksshy Las-Vegasta kezdesý ótkizip, tóreshilerdiń sheshimimen teń túsken bolatyn.