Túrkistan oblysy boıynsha ár gektarynan 25 sentnerden 332 myń tonna shıtti maqta jınaý josparlanýda.
Al jınalǵan shıtti maqtany alǵashqy óńdeýden ótkizetin 23 lısenzııalanǵan maqta óńdeý kásiporyndarynyń 304 maqta qabyldaý beketteri bar. Negizinen óńdelgen maqta talshyǵynyń 85-90 paıyzy Reseı, Belorýssııa, Latvııa, Lıtva men Qytaı elderine eksporttalady. Aǵymdaǵy jyly Aýyl sharýashylyǵy mınıstrliginiń buıryǵyna sáıkes, maqta óńdeý kásiporyndaryna tapsyrylǵan 1 tonna ónimine 10 myń teńge sýbsıdııa tóleý josparlanýda. Bul baǵytqa 2,7 mlrd. teńge qarjy qaralyp otyr.
Oblystaǵy maqtaly aýdandardyń biri Jetisaıda alqapqa alǵashqy kombaındar da túse bastady. Mysaly, aýdandaǵy Yntymaq aýyldyq okrýgindegi 17 gektar alqapqa kombaın túsip, bir kúnde 30 tonna ónim jınalǵan. Al jalpy alynǵan ónim kólemi 3380 tonnaǵa jetip otyr. Qazirgi tańda aýdanda 24222 gektar maqta alqaby defolıasııalanǵan. Bul jumystardy nátıjeli júrgizýde Atameken aýyl okýrigi kósh bastap keledi. Munda búginge deıin 4950 gektar maqta alqabynda qýratý sharalary aıaqtalǵan.
Ǵalymjan ELShIBAI,
«Egemen Qazaqstan»
Túrkistan oblysy