Memleket basshysy «Qazatomónerkásip» ulttyq atom kompanııasy» aksıonerlik qoǵamy basqarmasynyń tóraǵasy Ǵalymjan Pirmatovty qabyldady, dep habarlaıdy Aqordanyń baspasóz qyzmeti.
Nursultan Nazarbaev Qazaqstandaǵy iri ulttyq kompanııalardyń biri sanalatyn «Qazatomónerkásip» kompanııasy álemdik atom ónerkásibi salasynda mańyzdy oryn alatynyn atap ótti.
«Qazatomónerkásip» ulttyq atom kompanııasy» aksıonerlik qoǵamy basqarmasynyń tóraǵasy Qazaqstan Prezıdentine kompanııa jumysynyń negizgi qorytyndylary men perspektıvalary jóninde baıandady.
– Biz álemdik atom salasyndaǵy jaǵdaıdy muqııat saralap, damýdyń jańa strategııasyn qabyldadyq. 2017 jyly jáne bıylǵy 8 aıda kompanııa óndiristik jáne qarjylyq josparlarynyń bárin oryndady. Osy jyly tólenetin dıvıdentter byltyrǵy jylmen salystyrǵanda 2 ese artady dep boljap otyrmyz, – dedi Ǵ.Pirmatov.
«Qazatomónerkásip» kompanııasy basshysynyń málimetine sáıkes bıyl ýran satý kólemi sońǵy úsh jyldaǵy ortasha kórsetkishten joǵary bolmaq. Nátıjesinde kompanııa álemdik naryqta óndiris aýqymy jaǵynan ǵana emes, sondaı-aq satý kólemi jóninen de iri kásiporynǵa aınalady.
Kezdesý sońynda Memleket basshysy birqatar naqty tapsyrma berdi.