BUU Bas Assambleıasy 73-shi sessııasynyń sheńberinde Syrtqy ister mınıstri Qaırat Ábdirahmanov aparteıdpen ońtústik-afrıkalyq kúreskeriniń 100 jyldyǵyna arnalǵan «Nelson Mandela Beıbitshilik sammıti» atty joǵary deńgeıdegi is-sharaǵa qatysty, dep habarlaıdy syrtqy ister mınıstrligi baspasóz qyzmeti.
«Biz N. Mandelanyń ómirinen shabyt alamyz, ol ózara qurmet, meıirimdilik pen álemdi ajyratatyn qaqtyǵystarǵa qarsy kúresýdiń zorlyqsyz ádisterine negizdelgen. Etnıkalyq, dinı, aýmaqtyq jáne basqa faktorlar týyndaǵan qaqtyǵystardyń kúrt ósýi búkil dúnıe júzinde qaterli gýmanıtarlyq daǵdarystarǵa alyp keledi. Beıbitshilikti ústem etý úshin tek qana qaqtyǵystardyń emes, terrorızm, ekstremızm, uıymdasqan qylmys, adam saýdasy tárizdi sebepterdi joıý qajet. Biz sondaı-aq barlyq qaqtyǵystardy kúsheıtetin tereń kedeılikti, azyq-túlik, sý men energııa tapshylyǵyn, klımattyń ózgerý qaýipin jáne jappaı qyryp-joıatyn qarý-jaraqtardy joıýǵa tıispiz», - delingen mınıstrdiń sózinde.
Qazaqstan Nelson Mandelanyń qundylyqtaryn rastaıtyn sammıttiń Saıası deklarasııasyn qabyldaýyn quptady. Qazaqstannyń pikirinshe, bul qujat búkil halyqaralyq qoǵamdastyqqa dıalog pen tatýlasý arqyly adamnyń ar-namysy, ádildigi men beıbitshiliginiń mańyzdylyǵy týraly eskertý bolýǵa tıis. Qazaqstan dıplomatııasy beıbitshilikke degen umtylysy Prezıdent Nursultan Nazarbaevtyń soǵysqa qarsy «Álem. HHI ǵasyr» manıfesinde jáne 2017 jylǵy qańtar aıyndaǵy BUU Qaýipsizdik Keńesine «Qaýipsiz, ádil jáne gúldengen álem qurý úshin jahandyq áriptestikti nyǵaıtýǵa qazaqstandyq tujyrymdamalyq kózqaras» atty Saıası joldaýynda júzege asyrylýda. Q. Ábdirahmanov Manıfest qaqtyǵystardyń aldyn-alýdan bastap, dıplomatııa jáne medıasııa, beıbitshilikti saqtaý men beıbitshilikti qurý jáne damýǵa deıin barlyq qoljetimdi quraldardy paıdalanýǵa shaqyratyndyǵyn eske saldy.
Nıý-Iorkke sapary aıasynda QR Syrtqy ister mınıstri Halyqaralyq beıbitshilik ınstıtýtynyń prezıdenti Tere Rod-Larsen uıymdastyrǵan Taıaý Shyǵysqa qatysty 13-shi mınıstrlik kezdesýinde sóz sóılep, sondaı-aq BUU Kitaphanasynda qyrǵyz jazýshysy Shyńǵys Aıtmatovtyń 90 jyldyǵyna arnalǵan kórmeniń ashylýyna qatysty.
Bas Assambleıanyń sessııasy sheńberinde Q. Ábdirahmanov Kýba, Norvegııa, Ázerbaıjan syrtqy ister mınıstrleri, tıisinshe Brýno Rodrıges, Ine Erıksen Sıoreıde, Elmar Mamedıarovpen, sondaı-aq BUU Bas hatshysynyń orynbasary, Terrorızmge qarsy kúres bóliminiń basshysy Vladımır Voronkovpen ekijaqty kezdesýler ótkizdi.