Indonezııanyń Sýlavesı aralynda oryn alǵan jer silkinisi men sýnamıden qaza tapqandar arasynda qazaqstandyqtar joq, dep habarlaıdy syrtqy ister mınıstrliginiń baspasóz qyzmeti.
28 qyrkúıek, juma kúni Indonezııanyń Ortalyq Sýlavesı provınsııasynda eki ret jer silkindi. Onyń bireýinde jer silkinisiniń qýaty 7,7 balǵa jetti. Jer silkinisinen keıin provınsııanyń ortalyǵy sanalatyn Palý qalasynda bıiktigi 2 metrlik kúshti sýnamı bastaldy Tabıǵat apattaryn basqarý jónindegi ulttyq agenttiktiń (BNPB) málimetinshe, sýnamıden qaza tapqandar sany 420 adamǵa jetti.
Odan bólek, Palý qalasynyń 540 turǵyny jaraqat alǵan. Jer silkinisi men sýnamıden zardap shekkenderdi kóshirý, jeke basyn anyqtaý sharalary áli de jalǵasyp jatyr.
«Aldyn ala málimet boıynsha, tabıǵat apatynan japa shekkender men qaıtys bolǵandar arasynda qazaqstandyqtar joq» delingen QR Syrtqy ister mınıstrligi taratqan aqparatta. Konsýl Indonezııanyń tabıǵat apattaryn basqarý jónindegi ulttyq agenttigimen únemi baılanysta.