Uzaq jyldar qazaqstandyq Gennadıı Golovkınniń (38-1-1, 34 KO) isin júrgizip kele jatqan promoýter Tom Leffler BoxingScene basylymyna bergen suhbatynda qazaqstandyqtyń bokstan ketýine ne sebep bola alatynyn aıtty, dep habarlaıdy vesti.kz
35 jastaǵy qazaqstandyq sońǵy ret 15 qyrkúıek Las-Vegasta meksıkalyq Saýl "Kanelo" Alvarespen (50-1-2, 34 KO) judyryqtasyp, tóreshiler sheshimi boıynsha jeńilgen.
Osylaısha, Golovkın WBC, WBA (Super) jáne IBO belbeýlerinen aıyryldy. Qarymtadan keıin eki boksshy da úshinshi ret judyryqtasýǵa daıyn ekenderin málimdegen edi. Al GGG komandasy meksıkalyqpen qarymta bıylǵa sońǵy jekpe-jek ekenin aıtyp otyr. Qazaqstandyq rıngke tek kelesi jyly kóktemde oralady.
Golovkın 2010 jyldan beri WBA reıtıngine alǵash kirdi
"Basynan-aq eshqandaı ýaqyt shekteýi bolǵan joq. Gennadıı sportpen aınalysýǵa zaýqy soqpaı, qyzyǵy joǵalǵanda ǵana ketetin boksshy. Talqylaıtyn áńgime onyń jasy emes, Alvarespen jekpe-jektegi tóreshilerdiń ádilsizdigi. О́ıtkeni ol eki ret te jeńgen. Tóreshilerdiń jazǵany rıngte bolyp jatqandy únemi anyq jetkize bermeıdi. Biraq bul bólek áńgime. Ázirge Gennadıı kóńil kóterip, jaqsy jekpe-jekterge shaqyrýlar baryn baıqap júr, al onyń tanymaldyǵy burynǵydan joǵary. Jankúıerler onyń qarymtada jeńdi dep biledi jáne ol chempıon bolyp qalý kerek dep esepteıdi. Biz Beverlı Hıllstaǵy demeýshilerdiń birine kelgen edik, sýret pen qoltańba suraǵan tabynýshylary qorshap alǵandyqtan, kósheniń arǵy betine óte almadyq. Jalpy Alvarespen qarymtadan keıin ol áıgili bola tústi", - deıdi Leffler.