Qurlyqtyq hokkeı lıgasynda (QHL) kúsh synasyp júrgen Astananyń «Barysy» qatarynan úshinshi kezdesýde jeńiske jetip, óz kórermenderin taǵy da qýantty.
Bul joly jerlesterimiz Mınskiniń «Dınamosyn» jeńdi. Birinshi kezeńde aıtýly komandalar alma-kezek birneshe qaýipti shabýyldar uıymdastyrǵanymen, qos qaqpashynyń asqan sheberliginiń arqasynda tablodaǵy esep ózgergen joq. Úzilisten keıin aıdyn ıeleri qarqynyn kúrt kúsheıtip, qatarynan eki ret nysanany dál kózdedi. Bul goldyń avtorlary – Dmıtrıı Shevchenko men Andre Petersson. Úshinshi kezeńde Denıs Osıpov esep aıyrmashylyǵyn qysqartqanymen, 48 mınýtta Dastın Boıd básekeniń sońǵy núktesin qoıdy. Esep– 3:1.
Qazir QHL-dyń turaqty birinshiliginiń jarys kestesinde «Barys» 10 oryndy ıelenýde. Olar 18 kezdesý ótkizip, 26 upaı jıyp otyr. Endi astanalyqtar ózderiniń kelesi kezdesýin aldaǵy juma kúni óz muz aıdynynda Podolskiniń «Vıtıaz» klýba qarsy ótkizedi.
Ǵalym SÚLEIMEN,
«Egemen Qazaqstan»