Taldyqorǵanda «Shertpe kúı» respýblıkalyq festıvali bastaldy. Jetisýdyń tórin eki kúni boıyna dombyra únine bóleıtin kúı jarysyn Mádenıet jáne sport mınıstrligi men Almaty oblystyq ákimdigi birlesip uıymdastyrǵan. Elimizdiń balbarmaq kúıshileriniń basyn qosqan festıval Astana qalasynyń 20 jyldyǵy qurmetine oraılastyrylyp ótkizilýde.
Festıval aıasynda kúıshiler jarysynan bólek «Qyryq býyn qosbasar» ataýymen dástúrli shertpe kúıge arnalǵan respýblıkalyq konferensııa jáne alqaly keńes ótip jatyr. Munda elimizge tanymal shertpe kúı maıtalmandary búgingi dástúrli ónerdiń aıaq alysy men urpaq sabaqtastyǵy týraly keleli áńgime órbitti.
- Mádenıet jáne sport mınıstrligi Astana qalasynyń 20 jyldyǵy aıasynda halqymyzdyń mádenıetin saqtaý jáne urpaqtan-urpaqqa jetkizý arqyly dástúrli ónerimizdiń tól týyndylaryn keńinen nasıhattaý maqsatynda «Shertpe kúı» respýblıkalyq festıvalin bastady. Bul sharanyń Jetisý tórinde ótkeni biz úshin qýanysh. I. Jansúgirov atyndaǵy Mádenıet saraıynda eki kún boıyna shertpe kúıden Táttimbet Qazanǵapuly atyndaǵy «Qyryq býyn qosbasar» konkýrsy ótip, qara dombyraǵa til bitirgen úzdik kúıshi anyqtalady, - deıdi Almaty oblystyq Mádenıet basqramasynyń bólim basshysy Tóleýjan Ǵumar.
Qalmahanbet MUQAMETQALI,
«Egemen Qazaqstan»
Almaty oblysy