Birikken Arab ámirliginiń astanasy – Ábý-Dabıde ótip jatqan «Grand Slam» týrnırin alǵashqy kúni Qazaqstannyń qos dzıýdoshysy – Ǵusman Qyrǵyzbaev (60 kılo) pen Erlan Serikjanov (66 kılo) jeńis tuǵyryna kóterilip, óz jankúıerlerin bir qýantyp tastaǵan edi.
Kelesi kúni de jerlesterimizge júlde buıyrdy. 81 kılo salmaqta beldesken Dıdar Hamza bastapqy básekelerde qyrǵyzstandyq Vladımır Zoloev pen reseılik Aslan Lapınagovty utyp, úshinshi aınalymda Eýropa oıyndarynyń jeńimpazy, Eýropa chempıony, ızraıldik Sagı Mýkıge jol berdi. Jubanysh saıysynda qurlyq birinshiliginiń qola júldegeri, bolgarııalyq Ivaılo Ivanovtan basym túsken qandasymyz odan keıin bıylǵy jylǵy álem chempıony jáne Azııa oıyndarynyń kúmis júldegeri, byltyrǵy jylǵy álem birinshiliginiń qola júldegeri, dúnıejúzilik reıtıngte kósh bastap turǵan Irannyń myqtysy Saıd Mollaeımen kúsh synasty. Bıyl Jakartada ótken qurlyqtyq oıyndarynyń fınalynda aıtýly qos balýan aıqasyp, bul tartys qandasymyzdyń paıdasyna sheshilgen edi. Bul joly da Dıdar óziniń myqtylyǵyn moıyndatyp, qola medaldi moınyna ildi. Al bul salmaq dárejesiniń bas júldesin Sagı Mýkı jeńip alsa, kúmis medaldi belgııalyq Mattıas Kasse ıelendi.
73 kılo salmaqta beldesken Bekádil Sháımerdenov uzaqqa shaba almady. Ol óziniń tusaýkeser kezdesýinde armenııalyq Arsen Hazarıanǵa ese jiberdi. Búgin 90 kılo salmaqta Ázız Qalqamanuly men Islam Bozbaev tatamıge shyǵady. Alǵashqy aınalymda Ázız ızraıldik Lı Koshmanmen aıqasady. Ony utqan jaǵdaıda ázirbaıjandyq Mamadálı Mehdıevpen jolyǵady. Islamnyń qarsylasy – lıvııalyq Muhammedıssa Ennaas.100 kılo salmaqtaǵy Ádilhan Qozybaev latvııalyq Evgenııýs Borodavkamen beldesse, +100 kılo salmaq dárejesinde Erasyl Qajybaev gollandııalyq Henk Grolmen, al Ǵalymjan Qyryqbaı chehııalyq Lýkash Krpalekpen kúresedi.