Almatyda «baraholka» bazary mańy qoıý qara tútinge kómildi.
Qalalyq TJD baspasóz hatshysy Sandýǵash Baımuhambetovanyń aıtýynsha, túski 13:41 shamasynda órt sóndirý qyzmetiniń kezekshi pýltine Jetisý aýdany, Moskvın kóshesi 7 mekenjaıyndaǵy ǵımarat órtenip jatqany týraly habarlama túsken.
Alǵashqy órt sóndirý jasaǵy oqıǵa ornyna 5 mınýtta jetti. Qazir órt sóndirýshiler tilsiz jaýmen arpalysyp jatyr.
«Oqıǵa ornynda 21 tehnıka, 6 órt sóndirý kóligi, 78 adam, jumyldyryldy. О́rt 15:05-te aýyzdyqtaldy. Tilsiz jaý 2950 sharshy metr aýmaqty sharpydy», - dedi QR IIM TJK baspasóz qyzmetinen. Aldyn ala aqparat boıynsha órtengen ǵımaratta qoımalar ornalasqan.