«Egemen akademııasynyń» kezekti dárisin Syrtqy ister mınıstrligi, Halyqaralyq aqparat komıtetiniń tóraǵasy Talǵat Jumaǵulov júrgizdi.
Jýrnalıster qaýymynyń saıasattan habardar bolyp, saýatty ári sapaly jańalyq taratýy qashan da mańyzdy. Iаǵnı, dáriske qatysýshy stýdentterdiń Syrtqy ister mınıstrliginiń baspasóz qyzmetimen tanysýy quptarlyq is.
Dáris barysynda Talǵat Jumaǵulov Syrtqy ister mınıstrligindegi baspasóz qyzmetiniń qyr-syrymen tanystyryp, komıtet jumysy turǵysynda oı bólisti. Baspasóz relızderin daıyndaý, kún tártibindegi máselelerdi shuǵyl túrde ózgertý, qolaısyz jaǵdaılardan qalaı shyǵýǵa bolatyny týraly suraqtarǵa jaýap berdi.
Sondaı-aq, bolashaq jýrnalısterge memlekettiń tildiń qoldanylý deńgeıin kóterýge at salysýǵa shaqyrdy. Mınıstrlikke qoıylatyn suraqtardyń 95%-y orys tilinde, qalǵany qazaq tilinde ekenin aıtty. Saıası qaqtyǵystar, túıtkildi máselelerdi sheshýdegi Qazaqstannyń róli, naqty qandaı amaldardy qoldanýǵa baılanysty saraptamalyq suraqtardyń kóp qoıylýy qajet ekenin qadap aıtty.
Qazirgi tańda 2006 jyly qurylǵan Halyqaralyq aqparattyq komıtette qyzmet atqarady. Komıtettiń maqsaty – Qazaqstannyń halyqaralyq arenadaǵy oń ımıdjin qalyptastyrýǵa baǵyttalǵan memlekettik saıasatty júzege asyrý.
Búgingi dáristiń spıkeri Talǵat Jumaǵulov Almaty qalasynda týyp ósken. 1999 jyldan beri Syrtqy ister mınıstrliginde jumys isteıdi. Abylaı han atyndaǵy Qazaq Halyqaralyq Qatynastar jáne Álem Tilderi Ýnıversıtetinde oqyǵan.