Qalalyq ishki ister basqarmasy keltirgen málimetter boıynsha Petropavlda aıaldama pavılondaryn, jaryq shamdary men jarnamalyq taqtalardy qıratýdyń 30 faktisi tirkelgen.
44 jastaǵy qala turǵyny aıaldamany syndyrǵany úshin 12 myń teńge mólsherinde aıyppul tóleýine týra kelgen. Oǵan qosa sot sheshimimen pavılondy qalpyna keltirý jumystaryna ketken shyǵyndy da óteıdi. Polıseıler quqyqbuzýshyny birden quryqtaǵan.
Jambyl kóshesi boıynda ornalasqan bılbordy qıratqan buzaqylar da ustaldy. Jarnama nysanyn jolda ketip bara jatqan kólik qasaqana soǵyp ketken.Tártip saqshylary «aqyldy» oryndyqtardyń birin syndyrmaq bolǵan tulǵany da quryqtady ustady.
Petropavl qalalyq jergilikti polısııa basshysynyń orynbasary Shamshıden Aqyshevtyń aıtýynsha, mundaı zańsyz áreketter usaq buzaqylyq sanalǵanymen, esh tózýge bolmaıdy. Qaı-qaısysy bolsyn zań aıasynda tıisti jazalaryn alady. Shyǵyn olardyń esebinen qalpyna keltiriledi.
Tek aıaldamalardy syndyrý boıynsha ǵana 13 oqıǵa tirkelgen. Memleket múlkin qasaqana qıratqandar Qylmystyq Kodekstiń 293 baby boıynsha jazaǵa tartylady.
О́mir ESQALI,
«Egemen Qazaqstan»
Soltústik Qazaqstan oblysy