Qazaqstan Respýblıkasynyń Premer-Mınıstri Baqytjan Saǵyntaevtyń tóraǵalyǵymen ótken 2018 jylǵy 27 qyrkúıektegi Qazaq tili álipbıin latyn grafıkasyna kóshirý jónindegi ulttyq komıssııa otyrysy hattamasynyń 2- tarmaǵyna sáıkes, «Qazaq tili emlesiniń negizgi erejeleriniń jobasyn» túsindirý, praktıkalyq turǵyda meńgerilýin naqtylaı túsý maqsatynda Qazaqstan Respýblıkasy Mádenıet jáne sport mınıstrligi jáne Jambyl oblystyq tilderdi damytý basqarmasynyń uıymdastyrýymen Taraz qalasynda jalpyhalyqtyq dıktant jazý is-sharasy ótti.
Atalǵan sharaǵa Taraz memlekettik pedagogıkalyq ýnıversıteti de atsalysyp, belsendilik tanytty. Ýnıversıtet boıynsha ashyq dıktant jazýǵa 207 qyzmetker men 2793 stýdent nıet bildirgen eken. Al jalpy alǵanda jalpyhalyqtyq «Ashyq dıktant» aksııasyna 3000 myń adam qatysty. Qazaq tili emlesiniń negizgi erejelerin túsindirý, til márbetesin arttyrý maqsatynda dıktant jazý jergilikti joǵary oqý oryndarynyń jyl saıynǵy dástúrine aınalatyn bolady.
Hamıt Esaman,
«Egemen Qazaqstan»
Jambyl oblysy