Aqtaýda «Jarqyn bolashaqqa – Jańǵyrý jolymen» atty Mańǵystaý oblysy Qazaqstan halqy Assambleıasynyń XXII sessııasy ótti.
Sessııada oblysta Assambleıa aıasynda jasalǵan jumystar qorytyndylandy.
Sessııa barysynda Qazaqstan halqy Assambleıasy tóraǵasynyń orynbasary Vıtalııa IonoTvarıonas quttyqtaý sóz sóıledi. Sondaı-aq, «Qyrǵyzstan-Astana» qoǵamdyq birlestiginiń tóraǵasy Sh. Ismaılov, «Býlgar» tatar etnomádenı birlestiginiń ókili, StreetWorkaut 2018 jylálem chempıony I.Iаgıaev, jıhaz shyǵarý sehynyń dırektory A.Chıgın, sóz sóıledi. Sh. Esenov atyndaǵy KMTIÝ «Qazaqstan halqy Assmableıasy» kafedrasynyń meńgerýshisi A.Mambetova Elbasy joldaýyn talqylap, QHA janyndaǵy ǵylymı-saraptamalyq toptyń atqarǵan jumystaryna toqtaldy.
«Vaınah» sheshen jáne ıngýsh etno mádenı birlestiginiń ókili D. Elımhanov: «Kelesi jyldy Elbasymyz Jastar jyly dep jarııalaǵany belgili, bul, jastarǵa kóbirek kóńil bólinedi degen sóz. Sondyqtan, biz, óz eńbegimizben, bilimge qushtarlyǵymyzben jánenaqty isterimizben elimizdiń dańqyn shyǵarýǵa mindettimiz! Bizge táýelsizdikti saqtaý jáne nyǵaıtý úshin erekshe jaýapkershilik júkteldi!» dedi óz baıandamasynda.
Sessııa sońynda belsendi qoǵamdyq qyzmeti, ulttyq birlikti nyǵaıtýǵa jáne qoǵamnyń rýhanı damýyna qosqan úlesi úshin oblystyq etnomádenı birlestikter múshelerine Alǵys hattar tabystaldy.
Is-shara sońynda sessııa qatysýshylary men qonaqtarǵa kishigirim konserttik baǵdarlama usynyldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy