Densaýlyq saqtaý salasynda qol jetkizilgen keleli kelisim

GE Healthcare sıfrly tehnologııalardy qoldanýmen densaýlyq salasyndaǵy biryń­ǵaı aqparattyq júıeni ázirleýge qatysty jobalar boıynsha bir­lesken qyzmettiń negizgi ba­ǵyt­­taryn belgileıdi. Qujatqa sáı­kes taraptar áleýmettik mańyz­dy aýrýlardy aldyn ala anyq­taý men tıimdi emdeý, dıag­nos­tıkanyń dáldigin art­ty­rýǵa baǵyttalǵan  teleradıo­logııa, teleonkoradıologııa já­ne sút bezderi obyry boıyn­sha skrınıng jónindegi tele­me­­dı­sınalyq saraptaý ortalyq­­taryn, sondaı-aq res­­­pýb­­lı­kalyq klınıkalyq muraǵa­tyn ashý boıynsha múmkind­ikt­erge tal­daý júrgizýge ýaǵdalasty.  

Sondaı-aq kelisim  Densaýlyq saqtaý mınıstrliginiń «Qazaq onkologııa jáne radıologııa ǵylymı-zertteý ınstı­tý­ty» RMK bazasynda teleme­dı­sınalyq ortalyq uıymdastyrý úshin GE Healthcare sıfrly múm­kindikterdi qoldaný arqy­ly qa­natqaqty jobany iske asyrý­dy qolǵa alady.  Bul oblystyq onkodıspanserlerdiń dáriger­lerine onkologııadaǵy kúrdeli jaǵdaılardyń dıagnos­tıkasy kezinde mamandardyń qashyqtan qosymsha keńes alýyna múmkindik beredi. 

Jáne de, GE Healthcare óńirlik vendor-beıtarap muraǵattardy qalyptastyrý men elektrondy qujat aınalymyn uıymdastyrý boıynsha aqparattyq jáne keńes berý arqyly qoldaý kórsetedi dep josparlanýda.  

Qujatta Densaýlyq saq­taý vıse-mınıstri Oljas Ábi­shevpen jáne Ortalyq Eýropa, Shyǵys Eýropa, Reseı jáne TMD-ǵy GE Healthcare Digital  vıse-prezıdenti Dıtmar Seıfrıds­berger qol qoıdy. 

Memorandýmǵa qol qoıýdy túsindire otyryp, Ortalyq Eý­ropa, Shyǵys Eýropa, Reseı jáne TMD-ǵy GE Healthcare Digital  vıse-prezıdenti Dıt­mar Seıfrıdsberger «Biz den­saý­lyq saqtaý salasynda Qazaq­stan Respýblıkasymen tyǵyz yn­tymaqtastyqta bolý múmkin­digimizdiń bar bolǵanyna qýanyshtymyz jáne GE Health­care tehnologııalary sıfrly medısınany damy­tý boıynsha óńirdiń aǵymdaǵy jáne strate­gııalyq mindetterin sheshýge, sondaı-aq jal­py myńdaǵan pasıentter úshin sapaly medı­sınalyq kómekke qoljetimdilikti arttyrýǵa múmkindik beretinine senimdimiz», dep atap ótti.

О́z kezeginde, Densaýlyq saqtaý vıse-mı­nıstri O.Ábi­shev Memorandýmǵa qol qoıý qory­tyndysy boıynsha «Búgin GE Healthcare sıfrly medısınanyń jahandyq nary­ǵyndaǵy basty áriptesterdiń biri. Áriptestik qatynastar  ha­lyqqa qoljetimdi bolatyn ozyq tehnologııalardy engize oty­ryp, Qazaqstandaǵy sıfrly densaýlyq saqtaý salasyn aıtarlyqtaı damytýǵa múmkindik beredi», dep túıindedi.

Raýan QAIDAR,

«Egemen Qazaqstan»