Qazaqstan men О́zbekstan Úkimeti taýar aınalymyn kelesi jyly 5 mlrd AQSh dollaryna jetkizýdi kózdep otyr. Bıylǵy 9 aıda saýda - taýar aınalymynyń kólemi 2 mlrd AQSh dollarynan asqan.
Shymkentte alǵash ret ótken Qazaqstan men О́zbekstannyń óńiraralyq yntymaqtastyq forýmynda osyndaı derekter keltirildi. Sondaı-aq birqatar kelisimder jasalyp, Qazaqstan Respýblıkasy Premer-mınıstriniń birinshi orynbasary Asqar Mamın jáne О́zbekstan Respýblıkasy vıse-premeri Achılbaı Ramatov áriptestikti damytý boıynsha memorandýmǵa qol qoıdy. Ekonomıkalyq áriptestikti, saýda qatynastaryn aımaqtar arasynda damytýǵa serpin berýdi maqsat etken forýmda túrli ıdeıalar men jobalar talqylanyp, kelisimder jasaldy. «Qazaqstan - bizdiń basty strategııalyq seriktesimiz. Bir jyldyń ishinde bizdiń elimiz ekonomıkanyń túrli salalarynda jetistikke jetti. 2018 jyly eki el arasyndaǵy taýar aınalymy ósti. Áli de jyl sońyna deıin 3 mlrd dollarǵa jetkizýge múmkindik bar. Bul - naqty meje», - dedi Achılbaı Ramatov. Sondaı-aq О́zbekstan Úkimet basshysynyń birinshi orynbasary forým tek qana saýda-ekonomıkalyq qatynastardy, ónerkásip ındýstrııasyn damytý ǵana emes, eki eldiń týystyq qarym - qatynastaryn, mádenı-rýhanı baılanystaryn da arttyratynyn atap ótti.
Forým barysynda Túrkistan oblysynyń ákimi Janseıit Túımebaev pen Jızaq oblysynyń ákimi Ergash Salıevpen óńirler arasyndaǵy saýda-ekonomıkalyq jáne ınvestısııalyq yntymaqtastyqty nyǵaıtý jaıyn talqylady. Eki oblys arasynda memorandým jasaldy. Sondaı-aq, atalǵan forým sheńberinde qos eldiń birqatar óńirleri arasynda da memorandým túzildi. Túrkistan oblysynan basqa, Qaraǵandy, Shyǵys Qazaqstan, Qostanaı óńirleriniń jáne Astana, Almaty, Shymkent qalalarynyń basshylyǵy túzilgen 13 qujatqa qol qoıdy. Mysaly, Aqmola oblysynyń ákimi Məlik Myrzalın men О́zbekstan Respýblıkasy Syrdarııa oblysynyń hokımi Gofýrjon Mırzaev əriptestik týraly memorandýmǵa qol qoıdy. «Kókshetaýda biz quny 20 mıllıon AQSh dollary jəne «Novopek» JShS-men 10 mıllıon AQSh dollary bolatyn eksport boıynsha ınvestısııalyq kelisim jasadyq. Syrdarııa men Aqmola oblystarynyń uqsastyǵy kóp. Sondyqtan ekonomıkanyń ózge de salalaryn birlesip damytamyz», - dedi Syrdarııa oblysynyń hokımi. Jalpy eki el arasynda jasalǵan qujattarǵa sáıkes búgingi kúni elimizde 800-den astam kásiporyn ózbek kapıtalynyń qatysýymen jumys istep keledi eken.
О́ńiraralyq forým barysynda eki eldiń aýyl sharýashylyǵy tehnıkalary, ónerkásip, jeńil jáne taǵam ónerkásibi, qurylys, jıhaz óndirisiniń kórmesi ótti. Kópshilik nazaryna asyl tuqymdy sharýashylyq, toqyma buıymdary, farmasevtıka ónimderi usynyldy.
Ǵalymjan ELShIBAI,
«Egemen Qazaqstan»
Shymkent