О́ńirde Elbasy Nursultan Nazarbaevtyń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Joldaýynda aıtylǵan mindetter júzege asyryla bastady. Jeltoqsan aıynan bastap jylý berý qyzmetiniń tarıfteri 37 prosentke arzandamaq.
Qalanyń basym bóligin jylýmen qamtyp otyrǵan «Kókshetaý jylý» kompanııasy tutynýshylarǵa birshama jeńildetilgen tarıf usynyp otyr. Bul jańalyqty estip qulaqtanǵan qala turǵyndary Elbasy Joldaýynyń sharapatyn sezindi. Aldaǵy ýaqytta jylý ólsheýish qurylǵylary bar jeke tulǵalar 1 gıgakallorıı úshin burynǵy 2101 teńgeniń ornyna 1329 teńge tóleıtin bolady. Aıyrmasy aıta qalarlyqtaı. Al, mundaı qurylǵylary joq qala turǵyndary úshin de burynǵy tólem mólsheri tómendeıdi. Iаǵnı, buryn orta eseppen tólemaqy orta eseppen 4520 teńgeni qurasa, budan bylaı 2858 teńgege deıin arzandamaq.
–Zańdy tulǵalar úshin jylý ólshegish qurylǵysy boıynsha tarıf kólemi 5244 teńgeden 3316 teńgege deıin tómendeıdi. Bul degenińiz 36,7 prosentke arzan,–deıdi tabıǵı monopolııalardy retteý komıteti Aqmola oblystyq departamenti basshysynyń orynbasary Áset Qurashev,–al, qurylǵy ornatpaǵan zańdy tulǵalar úshin jylý baǵasy 9395 teńgeden 5941 teńgege deıin arzandaıdy. Mine, osylaısha Elbasy Joldaýynda belgilengen mindetter júzege asyrylýda.
Jylýmen birge ystyq sýdyń baǵasy da arzandamaq. О́lshem qurylǵysy bar turǵyndar 1 kýb.metr ystyq sý úshin 142 teńge, al, qurylǵy ornatpaq páter ıeleri 450 teńge tólemaqy tóleıdi. Jańa tarıfter ústimizdegi jyldyń 1 jeltoqsanynan bastap qoldanysqa enetin bolady.
Baıqal BAIÁDIL,
«Egemen Qazaqstan»
Aqmola oblysy