Bul týraly «Samuryq-Energo» AQ О́ndiris jáne aktıvterdi basqarý jónindegi basqarýshy dırektory Serik Túıtebaev aıtty.
Elimizdegi jalpy elektr qýatynyń 30 paıyzy «Samuryq-Energo» AQ quramyna kiretin kompanııalarǵa tıesili. Búgingi tańda kómirmen jumys isteıtin barlyq elektr stansalarynda normaǵa sáıkes paıdalanylatyn qatty otyn jınaqtalǵan.
− «Samuryq-Energo» AQ-nyń barlyq energııa óndiretin jáne energııa taratatyn uıymdary jabdyqtardyń josparlanǵan jóndeý jumystaryn der ýaqytynda aıaqtady. Bekitilgen tártippen kúzgi-qysqy kezeńde jumysqa daıyndyǵy týraly pasporttar alyndy, – dedi S. Túıtebaev. Onyń aıtýynsha, holdınginiń «Ekibastuz GRES-1», «Ekibastuz-GRES-2», «Moınaq SES», «Shardara SES», «Almaty elektr stansalary» uıymdary elektr jáne jylý júktemeleri bekitilgen keste boıynsha jumys isteýde. Sonymen qatar S.Túıtebaev «Bogatyr kómir» JShS jylý berý maýsymyna daıyndyq aıasynda tapsyrys berýshilerdiń barlyq suranysyn oryndaǵanyn atap ótti. Kenishte óndirilgen qatty otynnyń 80 paıyzǵa jýyǵy elektr energııasy men jylý óndirý úshin respýblıkanyń energııa óndirýshi kásiporyndaryna jiberilgen. Bıylǵy 10 aıdyń kórsetkishi boıynsha kenishte 36,5 mln tonna kómir óndirilgen.
S.Túıtebaevtyń aıtýynsha, Qazaqstanda 2016 jyldan bastap elektr qýatynyń qory artyp qamtamasyz etý turǵysynan eshqandaı tapshylyq týyndamaǵan. Tipti, «Samuryq-Energo» AQ búginge deıin kórshi Reseıge elektr qýatyn eksporttap kelgen.
Erkejan AITQAZY,
«Egemen Qazaqstan»