Taldyqorǵandaǵy «Jastar» sport saraıynda erejesiz jekpe-jekten Qazaqstan kýbogy jolyndaǵy jarys jáne «BATTLE OF NOMADS» dep atalatyn halyqaralyq týrnır ótti.
Kásipqoılar arasyndaǵy básekelerdiń barlyǵy da qazaqstandyq sportshylardyń jeńisimen aıaqtaldy. Atap aıtsaq, 56 kılo salmaqtaǵy Arman Áshimov ıspanııalyq Krıstan Garsıa Kolladomen kúsh synasty. Jaraqatyna baılanysty jarty jyldan asa ýaqytqa sozylǵan úzilisten keıin úlken sportqa qaıta oralǵan qandasymyzdy kórermender erekshe qoshemetpen qarsy alǵanyn aıta ketken abzal. О́z kezeginde Arman kóptiń úkili úmitin aqtady. Ol qarsylasyn ekinshi raýndta «qylqyndyrý» ádisimen utty.
77 kılo salmaq dárejesinde óner kórsetip júrgen Shavqat Rahmonov qyrǵyzstandyq Rınat Saıaqbaevpen aıqasty. Bul tartys ta uzaqqa sozylǵan joq. Birinshi raýndtan keıin Altaýdyń arǵy betinen kelgen sportshy jekpe-jekti jalǵastyrýdan bas tartty. Al Dmıtrıı Kýdınov Qyrǵystannyń taǵy bir ókili Adıs Talaıbekulyn upaı sanymen utty.
Ǵalym SÚLEIMEN,
«Egemen Qazaqstan»