Astanada Syrtqy ister mınıstrliginiń kezekti brıfınginde vedomstvo baspasóz qyzmetiniń basshysy Aıbek Smadııarov Qytaı terrıtorııasynan shyǵa almaı otyrǵan Qazaqstannyń 14 azamaty týraly aıtyp berdi.
«Qazaqstannyń 14 azamaty áli kúnge deıin ártúrli sebeptermen Qytaıdan shyǵa almaı otyr. Bizdiń konsýldar ol azamattarǵa kómek kórsetip jatyr. Qytaı tarapymen dıplomatııalyq arnalar arqyly jumys júrgizip jatyr. Qytaı tarapy 2000-nan astam qazaqqa óz terrıtorııasynan shyǵýǵa ruqsat berdi», dedi Aıbek Smadııarov.
Brıfıng barysynda Aıbek Smadııarov Memleket basshysy Nursultan Nazarbaevtyń 6 jeltoqsanda Sankt-Peterbýrg qalasynda ótken Joǵary Eýrazııalyq ekonomıkalyq keńestiń otyrysyna qatysýynyń negizgi qorytyndylaryna toqtaldy. Sonymen qatar, alda ótetin mańyzdy is-sharalardy atap ótti.
Mádına JÁLELQYZY,
«Egemen Qazaqstan»