Áleýmettik joba jumysy barysynda medısınalyq poıyzdar brıgadasy alpys jeti myńnan astam dıagnostıkalyq emshara, úsh myń kishi hırýrgııalyq operasııa júrgizdi. Bul týraly joba qorytyndysy boıynsha ótken baspasóz maslıhaty kezinde "Samruk-Kazyna Trust" áleýmettik jobalardy damytý qorynyń bas dırektory Dııas Ázbergenov málimdedi.
Sondaı-aq, ol osy jobanyń mańyzdylyǵyn atap ótti, sebebi onyń arqasynda shalǵaıda ornalasqan eldi mekenderde sapaly medısınalyq kómek kórsetilgendikten halyqtyń ómir súrý deńgeıi artyp keledi, onyń ishinde densaýlyqtyń joǵary deńgeıi jobanyń sharttarynyń biri bolyp tabylady.
«Joba qorytyndysy boıynsha, jumys barysynda dárigerler qyryq birden astam (41 360) adamdy tekserdi. Sonymen qatar, dárigerlik qaralýlardyń jalpy sany júz toqsan eki myńdaı (192 195) boldy», - dep atap ótti Dııas Azbergenov.
Sonymen qatar «Densaýlyq» poıyzy medısınalyq brıgadasynyń bas dárigeri Arzyqul Kenjeev dárigerler óz emdelýshilerin qutqarǵan jaǵdaılardyń bolǵanyn da jetkizdi. Sonymen, onyń aıtýynsha, týberkýlez, jiti júrek-qan tamyrlary aýrýlary jáne qatersiz isik jaǵdaılary anyqtaldy.
Aıta ketken jón, medısınalyq brıgadalardyń quramynda terapevtter, tis dárigerleri, okýlıster, mammologtar jáne basqa da mamandar bar. Joba jumysy barysynda kezekpen 10 medısınalyq brıgada iske qosyldy.
Joba aıasynda 2018 jyly dárigerler óńirlerde eń kóp taralǵan 5 aýrýdy anyqtady. Olarǵa arterııalyq gıpertonııa, ıshemııalyq aýrý, qant dıabeti, sozylmaly bronhıt jáne endemııalyq jemsaý jatady.