Astana qalasynyń Kólik jáne jol-kólik ınfraqurylymyn damytý basqarmasy jol-qurylys jumystary maýsymynyń bastalǵanyn habarlady. Osyǵan baılanysty kóshe-jol jelisiniń jekelegen ýchaskelerinde qozǵalysqa ýaqytsha shekteýler engiziledi, dep habarlaıdy Egemen.kz.
Atap aıtqanda, 4 sáýirden 4 mamyr aralyǵynda Máńgilik El dańǵyly men Syǵanaq kóshesiniń qıylysyndaǵy kólik aıryǵynda jol jabynyna ortasha jóndeý júrgiziledi. Qozǵalys ishinara shekteledi.
- 5 sáýiri men maýsym aıy aralyǵynda E68 kóshesiniń A. Bekturov kóshesinen Tóle bı kóshesine deıingi ýchaskesinde qurylys jumystarynyń bastalýyna baılanysty avtokólik qozǵalysy tolyqtaı jabylady.
- B. Soqpaqbaev kóshesiniń Sh. Beısekova kóshesinen K. Kúmisbekov kóshesine deıingi ýchaskesinde qurylys jumystary jalǵasady. Atalǵan ýchaskede kólik qozǵalysy 5 sáýirden bastap qarasha aıyna deıin tolyqtaı shekteledi.
- «Abaıdyń 150 jyldyǵy kóshesin Tilendıev dańǵylynan Beıbarys Sultan kóshesine deıin salý» jobasy iske asyryla bastaıdy. Joba aıasynda Beıbarys Sultan kóshesinen Sulýkól kóshesine deıingi aralyq 5 sáýirden 10 qazanǵa deıin qozǵalys úshin tolyq jabylady.
Sonymen qatar, Kenesary kóshesinde A. Sembınov kóshesinen Saryarqa dańǵylyna deıingi ýchaskede ortasha jóndeý jumystary bastalady (2025 jyly Kenesary kóshesinde E. Brýsılovskıı kóshesinen Á. Sembınov kóshesine deıin jóndeý jumystary júrgizilgen). Jumystar 5–20 sáýir aralyǵynda kezeń-kezeńimen júrgizilidedi.
Qazirgi ýaqytta M. Tynyshbaev kóshesinde A. Baıtursynov kóshesinen J. Nájimedenov kóshesine deıingi aralyqta da jumystar júrgizilýde.
Tolyq jabylatyn ýchaskelerde avtokólik qozǵalysy balamaly baǵyttar arqyly uıymdastyrylady.
Jabý syzbalary karýselde usynylǵan.
Joǵaryda atalǵan shekteýlerge baılanysty qala turǵyndary men qonaqtarynan joldaǵy keptelisterdi azaıtý maqsatynda qozǵalys baǵyttaryn aldyn ala josparlaýdy suraımyz. Ýaqytsha qolaısyzdyqtar úshin keshirim suraımyz jáne júrgizilip jatqan jol-qurylys jumystaryna túsinistikpen qaraýdy ótinemiz.
Jaqyn ýaqytta josparlanǵan jumystar:
• Aqan seri kóshesi (Tilendıev dańǵylynan Qaramende bı Shaqauly kóshesine deıin);
• Alash tasjoly (69-kósheden «Astana qalasynyń aınalma jolyna» deıin);
• Jarkent kóshesi (Sh. Qudaıberdiuly kóshesinen Hantaý kóshesine deıin);
• Janarys kóshesi (Sileti kóshesinen Sh. Qudaıberdiuly kóshesine deıin);
• 489-kóshe (abattandyrý jumystary), sondaı-aq basqa da ýchaskeler.
Atalǵan kóshelerdegi qozǵalysqa ýaqytsha shekteýler engizý merzimderi týraly aqparat qosymsha resmı derekkózderde jarııalanady.
Astanada júk kólikterine baqylaý kúsheıtildi