О́zbekstannyń Samarqand qalasynda Táýelsiz Memleketter Dostastyǵyna qatysýshy elderdiń Shekara áskerleri qolbasshylary keńesiniń 92-otyrysy ótti, dep habarlaıdy Egemen.kz.
Jıynǵa TMD-ǵa múshe toǵyz eldiń shekara vedomstvolarynyń delegasııalary, TMD Atqarýshy komıtetiniń ókilderi, sondaı-aq ShYU RATS Atqarýshy komıteti men shekara qyzmeti ardagerleriniń halyqaralyq uıymynyń ókilderi qatysty.
Jıyn barysynda TMD elderiniń syrtqy shekaralaryndaǵy qazirgi ahýal talqylanyp, birqatar vedomstvolar men uıymdar ókilderi baıandama jasady. Sondaı-aq shekara qaýipsizdigin qamtamasyz etý jáne yntymaqtastyqty nyǵaıtý máseleleri qaraldy.
Keńes otyrysynda TMD shekara áskerleri qolbasshylary keńesi qyzmeti aıasynda atqarylǵan jáne josparlanǵan is-sharalar týraly aqparat usynyldy.
Sonymen qatar Qazaqstan Respýblıkasy Ulttyq qaýipsizdik komıtetiniń Shekara akademııasyna TMD elderi úshin shekaralyq baqylaý máselelerin zertteý, kadr daıarlaý jáne biliktilikti arttyrý boıynsha bazalyq uıym mártebesin berý týraly ereje bekitildi.
Aıta keteıik, búgin, 15-mamyrda Túrkistan qalasynda Túrki memleketteri uıymynyń beıresmı sammıti ótedi. Memleket basshysy sammıtke qatysý úshin Túrkistan qalasyna bardy.