Astanada júrgizýshi jaıaý júrginshiler ótkelinde jasóspirimdi qaǵyp ketip, oqıǵa ornynan ketip qalǵan, dep habarlaıdy Egemen.kz
Bolǵan oqıǵanyń vıdeosy áleýmettik jelilerde tarady. Kadrda Syǵanaq dańǵyly men Tóle bı kóshesiniń qıylysynda Toyota RAV4 kóligi velosıpedpen kele jatqan jasóspirimdi qaǵyp ketkeni kórinedi. Soqqydan bala qulap, aıaǵyndaǵy aıaq kıimi ushyp ketken. Alaıda onyń aýyr jaraqat almaǵany baıqalady. Sebebi ol ózdiginen ornynan turǵan. Osydan keıin júrgizýshi kólikten shyqpastan jolyn jalǵastyryp kete bardy.
Shyǵys Qazaqstanda velosıpedshiler tobyn kólik qaǵyp ketti
Astana qalalyq Polısııa departamenti jol-kólik oqıǵasyna kináli júrgizýshiniń anyqtalǵanyn habarlady.
«Toyota RAV4 avtokóliginiń júrgizýshisi anyqtaldy. Retteletin jaıaý júrginshiler ótkelinen ótý kezinde ol baǵdarshamnyń ruqsat etilgen belgisimen joldan ótip bara jatqan jaıaý júrginshini qaǵyp ketken», delingen habarlamada.
Atalǵan jol-kólik oqıǵasy boıynsha tekserý júrgizilip jatyr. Onyń nátıjesi boıynsha tıisti sharalar qabyldanady. Kólik kommýnaldyq aıyp turaǵyna qoıyldy.