Reseılik tennısshi Dıana Shnaıder «Rolan Garros» týrnıriniń shırek fınalynda álemniń birinshi raketkasy, belarýsııalyq Arına Sobolenkony jarys jolynan shyǵaryp tastady, dep habarlaıdy Egemen.kz
Qos tennısshi arasyndaǵy kezdesý úsh setke sozylyp, Shnaıderdiń jeńisimen aıaqtaldy. Qorytyndy esep 3:6, 7:5, 6:0.
Kezdesýdiń basynda utylyp jatqan Dıana keıin oıyn tizginin tolyq óz qolyna aldy. Ekinshi sette reseılik tennısshi sheshýshi sátte jeńisti julyp aldy, al úshinshi partııada Sobolenkoǵa birde-bir geım bermeı, 6:0 esebimen aıqyn jeńiske jetti.
Zańǵar Nurlanuly «Rolan Garrostyń» úshinshi kezeńine shyqty
Endi jartylaı fınaldyq básekede reseılik tennısshi polshalyq Maııa Hvalınskamen kezdesedi.
Buǵan deıin Hvalınska reseılik Anna Kalınskaıany jarystan shyǵaryp, týrnırdiń basty jańalyǵy atanǵan bolatyn.
Týrnırdiń ekinshi bóliginde fınalǵa joldama úshin Mırra Andreeva men ýkraınalyq Marta Kostıýk kezdesedi.
Sensasııalyq jeńilis: Elena Rybakına «Rolan Garrostyń» ekinshi aınalymynan asa almady
Andreeva rýmynııalyq Sorana Kırstıany senimdi túrde jeńse, Kostıýk ýkraınalyq derbıde Elına Svıtolınadan basym tústi.