Energetıka mınıstrligi bıylǵy jyldyń alǵashqy bes aıynyń qorytyndysy boıynsha elde elektr energııasyn óndirý kólemi tutyný deńgeıinen asqanyn habarlady, dep jazady Egemen.kz
Qańtar-mamyr aralyǵynda Qazaqstanda 53,6 mlrd kVt·saǵ elektr energııasy óndirilse, tutyný kólemi 53,3 mlrd kVt·saǵatty qurady. Osylaısha elde shamamen 300 mln kVt·saǵat kóleminde profısıt qalyptasty.
Bul – sońǵy jyldardaǵy mańyzdy kórsetkishterdiń biri. Buǵan deıin Qazaqstan ishki suranysty tolyq qamtamasyz etý úshin shetelden elektr energııasyn ımporttaýǵa májbúr bolatyn. Máselen, 2025 jyly energııa tapshylyǵy shamamen 1,5 mlrd kVt·saǵatty qurap, qajetti kólemniń basym bóligi Reseıden jetkizilgen edi.
Astanada elektr energııasynyń tarıfi qymbattaýy múmkin
Mamandardyń aıtýynsha, qazirgi nátıje eldiń energetıkalyq júıesiniń teńgerimdi damyp kele jatqanyn jáne elektr stansalarynyń turaqty jumysyn kórsetedi. Bul ishki naryqtyń elektr energııasyna degen suranysyn senimdi qamtamasyz etýge múmkindik beredi.
Úkimettiń josparyna sáıkes, 2027 jyldyń birinshi toqsanynyń sońyna deıin eldegi energııa tapshylyǵy máselesi tolyq sheshilýi tıis. Al 2029 jylǵa qaraı Qazaqstan turaqty elektr energııasy profısıtine shyǵýdy kózdep otyr.
Almatyda qoqysty elektr energııasyna aınaldyratyn kásiporyn boı kóteredi
Bul maqsatqa qoldanystaǵy elektr stansalaryn jańǵyrtý jáne jańa qýat kózderin iske qosý arqyly qol jetkizilmek. Bıyl dástúrli jáne jańartylatyn energetıka salasynda jalpy qýaty 2,6 GVt bolatyn jańa nysandardy paıdalanýǵa berý josparlanǵan.
Atap aıtqanda, tórt gaz elektr stansasy salynyp, eki elektr stansasynyń qýaty keńeıtiledi. Sonymen qatar jańartylatyn energııa kózderi baǵytynda 10 jańa joba iske qosylady. Onyń ishinde tórt jel elektr stansasy, bes kún elektr stansasy jáne bir sý elektr stansasy bar.
Aldaǵy qysqa daıyndyq: Elektr energııasyn tutyný 18,2 GVt-qa jetedi
Sarapshylardyń pikirinshe, energetıka salasyndaǵy bul ózgerister eldiń energetıkalyq qaýipsizdigin nyǵaıtyp qana qoımaı, óńdeý ónerkásibiniń damýyna da serpin beredi. Sebebi jańa óndiris oryndarynyń ashylýy turaqty ári senimdi elektrmen qamtýdy talap etedi. Al qazirgi kórsetkishter mundaı suranysty qamtamasyz etýge múmkindik bar ekenin kórsetip otyr.