Eki el prezıdentteri BAQ ókilderine arnalǵan brıfıng ótkizdi

«Eki el arasyndaǵy saıası dıalog jyl ótken saıyn kúsheıe túsýde. Qadirli Hrıstodýlıdıs myrza osydan 7 jyl buryn Kıprdiń Syrtqy ister mınıstri retinde Astanaǵa arnaıy kelgen bolatyn. Sol kezde ol Kıpr Qazaqstannyń Eýropa Odaǵyndaǵy múddesin ilgeriletýge árdaıym daıyn ekenin aıtqan edi. Sodan beri kóp jumys atqaryldy. Eki memlekettiń elshilikteri ashyldy. Osylaısha, ózara qarym-qatynasymyz jolǵa qoıyldy. Qadirli Prezıdent myrzanyń Astanaǵa tuńǵysh sapary eki el arasyndaǵy alǵashqy tikeleı áýe reısiniń ashylýymen tuspa-tus kelip otyr. Munyń da sımvoldyq máni zor», dedi Qasym-Jomart Toqaev.

Qazaqstan men Kıpr arasynda qandaı qujattarǵa qol qoıyldy?

Prezıdenttiń aıtýynsha, memleketterimiz yqpaldastyqty odan ári bekemdeı túsýge nıetti. Bul – taraptar múddesine saı.

«Kıpr Respýblıkasynyń basshysy osy oń úrdiske zor úles qosyp keledi. Men muny joǵary baǵalaımyn. Sol sebepti búgin Joǵary mártebeli Prezıdent Nıkos Hrıstodýlıdıs myrzaǵa I dárejeli «Dostyq» ordenin tapsyrdym. Bul nagrada – qazaq eliniń Sizge jáne búkil Kıpr Respýblıkasynyń halqyna degen erekshe qurmetiniń, shynaıy iltıpatynyń belgisi. Qutty bolsyn! Elderimizdiń ózara seriktestigi nyǵaıa beredi dep senemin», dedi Memleket basshysy.

Eske sala keteıik, búgin Kıpr Respýblıkasynyń Prezıdenti Nıkos Hrıstodýlıdıs elimizge resmı jumys saparymen keldi. Prezıdent mártebeli meımandy Táýelsizdik saraıynda resmı qarsy aldy. Eki el prezıdentteri shaǵyn jáne keńeıtilgen quramda kelissóz júrgizdi. Memleket basshysy Kıpr Prezıdentin I dárejeli «Dostyq» ordenimen marapattady.