Almatydaǵy Kardıologııa jáne ishki aýrýlar ǵylymı-zertteý ınstıtýtynda gospıtaldyq farmasııa bólimi ashylyp, eleýli is-sharaǵa S.Asfendııarov atyndaǵy QazUMÝ rektory Marat Shoranov, Almaty qalalyq Qoǵamdyq densaýlyq saqtaý basqarmasynyń basshysy Marat Pashımov, Kardıologııa jáne ishki aýrýlar ǴZI Dırektorlar keńesiniń músheleri bastaǵan megapolıstegi medısınanyń beldi ókilderi qatysty, dep habarlaıdy Egemen.kz.
Budan bylaı jańadan ashylǵan bólimde emdeý úderisine klınıkalyq-farmakologııalyq baǵalaý júrgizý, terapııanyń tıimdiligi men qaýipsizdigin baqylaý, emdeý tásilderin utymdy tańdaý, dárilik zattardy suıyltý jumystary júzege asyrylady. Sonymen qatar dárilik zattardy esepke alý jáne saqtaý qoımasy jumys isteıdi.
Ashylý saltanatyna kelgen qonaqtar tabletka túrindegi dárilerdi dál mólsherleýdi qamtamasyz etetin, adam faktorynyń áserin azaıtyp, dárilerdi berý úderisin jedeldetetin avtomattandyrylǵan júıesimen tanysty. Sondaı-aq dárilik zattardy saqtaý jaǵdaılaryn qatań baqylaýǵa, qaldyqtar men jaramdylyq merzimderin naqty ýaqyt rejıminde esepke alýǵa, dárilerdiń saqtalýy men qaýipsizdigin arttyrýǵa múmkindik beretin avtomattandyrylǵan saqtaý kabıneti jáne robottandyrylǵan jetkizý júıesi kórsetildi.
Dáriger tapshylyǵy baıqalady
KIAǴZI Basqarma tóraǵasy Rústem Tóleýtaev dárilik qamtamasyz etýdi sıfrlandyrý jobasyn tanystyra otyryp, avtomattandyrylǵan sheshimderge kóshý dárilik zattardy basqarýdy jańa deńgeıge kóteretinin, zamanaýı ádisteme dárilik preparattardyń klınıkaǵa túsken sátinen bastap pasıentke berilgenge deıingi búkil ómirlik sıklin úzdiksiz baqylaýǵa negizdelgenimen adam faktoryn barynsha azaıtatynyn atap ótti.
«Memleket basshysynyń densaýlyq saqtaý ınfraqurylymyn kezeń-kezeńimen sıfrlandyrý, zamanaýı avtomattandyrylǵan júıelerdi engizý syndy tapsyrmasyn oryndaý maqsatynda gospıtaldyq farmasııa bóliminde dárilik qamtamasyz etýdi sıfrlandyrý jumystary engizilip jatyr», dedi ol.
Klınıkalyq farmakologııa bóliminiń basshysy Aıgúl Baqtyǵalıeva jańa tehnologııalardy engizý arqyly 1S býhgalterııasy men DAMUMED aqparattyq júıelerin biriktirýge, bólimshelerdegi medısına qyzmetkerleriniń ýaqytyn ońtaılandyrýǵa, dárilik qamtamasyz etýdiń jyldamdyǵy men sapasyn arttyrýǵa jáne logıstıkalyq shyǵyndardy azaıtýǵa múmkindik týatynyna toqtaldy.
Almaty oblysynda 20 túrli dári shyǵaratyn jańa zaýyt salynady
Avtomattandyrý men sıfrlandyrýdy engizýdiń basqa da artyqshylyqtary bar. Atap aıtqanda, dárilik zattardyń qozǵalysynyń tolyq ashyqtyǵy qamtamasyz etiledi, al úderisterdi avtomattandyrýdyń bes deńgeıli baqylaýy táýekelder men qatelikterdi azaıtady.
Sıfrlandyrý medısınalyq kómektiń sapasyn úzdiksiz dári-dármekpen qamtamasyz etý deńgeıinde jaqsartady, pasıentterdiń qaýipsizdigin arttyrýǵa múmkindik beredi. Al esepke alýdy avtomattandyrý resýrstardy utymdy bólý esebinen 18%-ǵa deıin únemdeýge jol ashady.